#
अनौठा कुरा

४४ सन्तान जन्माएकी महिलालाई थप बच्चा पाउन प्रतिबन्ध

  एजेन्सी   ७ माघ २०७६, मंगलवार १४:४१

युगान्डामा एक महिलाले ४४ सन्तान जन्माएपछि थप बच्चा पाउन प्रतिबन्ध लगाइएको छ । मरियम नाबातान्जी नामक ती महिलालाई स्थानीयहरूले संसारकै सबभन्दा ऊर्वर महिलाको संज्ञा दिएका छन् । उनले चार जुम्ल्याहा, पाँच तिम्ल्याहा र पाँच चम्ल्याहा जन्माएकी छन् ।

तर युगान्डाका चिकित्सकहरूले उनलाई थप सन्तान जन्माउन निषेध गरेका छन् ।

१२ वर्षको उमेरमा विवाहका लागि बेचिएकी नाबाताज्नी एकल महिला हुन् । उनले सिलाइबुनाइ, केशकटाइ र जडीबुटी उपचार गरेर आफू र आफ्ना सन्तानको भरणपोषण गर्ने गरेकी छन् ।

विवाह गरेकै वर्ष उनले पहिलो सन्तान जन्माएकी थिइन् र अहिले उनका ३८ सन्तान बाँचेका छन् ।

‘मैले उनीहरूलाई शिक्षित बनाउन कोशिश गरिरहेकी छु । उनीहरू विद्यालय जाऊन् भन्ने मेरो सपना हो । अरू कुराको अभाव होस् तर उनीहरू विद्यालय जाऊन् । म आफ्ना बालबच्चालाई कहिल्यै त्याग्ने छैन र तिनीहरूलाई माया गर्छु,’ नाबाताज्नीले भनिन् ।

नाबाताज्नीले कसरी ४४ सन्तान जन्माइन् होला भनी सोध्दा डाक्टर चार्ल्स किग्गुन्दुले भने, ‘केही महिलाले महिनाको शुरूआतमा १० देखि १२ अण्डा निकाल्न सक्छन् । तीमध्ये धेरैसँग एकभन्दा बढी फर्टिलाइजेसनको सम्भाव्यता रहन्छ ।’ एजेन्सी

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु