#

कर्मचारी सञ्चय कोषले सुरु गर्यो विशेष सापटी सेवा


काठमाडौं–कर्मचारी सञ्चय कोषले कोरोनाभाइरस (कोभिड–१९)का कारण चैत ११ देखि नेपाल सरकारले लकडाउन गरेसँगै बन्द रहेका कोषका सेवाहरु मध्ये अनलाइनमार्फत विशेष सापटी सेवा प्रदान गर्न सुरु गरेको छ ।

लकडाउनका कारण यातायात र हिँडडुलमा भएको असहज अवस्थालाई ध्यान दिँदै घर तथा कार्यालयमै बसेर सरल, सहज र प्रभावकारी रुपमा सेवा उपलब्ध गराउने उद्देश्यले जेठ १३ देखि अनलाइनमार्फत विशेष सापटी प्रदान गर्न सुरु गरेको हो ।

सेवा अन्तर्गत आज दार्चुला स्थित बैंकमा रहेका सम्बन्धित सञ्चय कोषको खातामा र ललितपुर स्थित बैंकमा रहेको सम्बन्धित सञ्चय कोषको खातामा रकम जम्मा गरी २ जना सञ्चय कर्तालाई विशेष सापटी वापतको रकम अनलाइनमार्फत प्रदान गरिएको कोषले जनाएको छ ।

कोषबाट सुरु गरिएको अनलाइन विशेष सापटी सेवालाई निरन्तरता दिइने र यो सेवा लिनका लागि विशेष सापटी लिन योग्यता पुगेका, व्यक्तिगत केवाइसी, अपडेट र अफिस केवाइसी अपडेट अनिवार्य भएको छ । त्यसैगरी सवै सञ्चय कर्ताहरूलाई केवाइसी अपडेट गर्न र कोष कट्टी गरी पठाउन कोषले अनुरोध गरेको छ ।

अनलाइनमार्फत विशेष सापटी लिने विस्तृत प्रक्रिया कोषको वेवसाइटमा पनि राखिएको कोषले जनाएको छ ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु