दमक। झापाको दमकबाट पठाइएका ५३ जनाको स्वावको रिपोर्ट भोलि आउदै छ । क्वारेन्टाइन र होम क्वारेन्टाइनमा बस्दै आएका उनिहरुमा कोरोना भाइरस संक्रमण भए नभएको परीक्षणका लागि स्वाव संकलन गरि विराटनगरको प्रादेशिक अस्पताल पठाइएको छ ।
दमकका २ क्वारेन्टाइन र होम क्वारेन्टाइनका गरि ५३ जनाको स्वाव संकलन गरिएको थियो । स्वाव पठाइएकामा ३५ पुरुष छन भने १८ महिला छन् । जसमा मानसरोबर क्वारेन्टाइनका २१ पुरुष, मदन भण्डारी प्रतिष्ठानको महिला क्वारेन्टाइनका १५ , होम क्वारेन्टाइनका १२ पुरुष, ३ महिला र २ जना पुरुष स्वास्थ्यकर्मी रहेको दमक नगरपालिकाको क्वारेन्टाइन व्यवस्थापन समितिका सदस्यसचिव कुबेर प्रसाद भट्टराईले सवाल नेपाललाई जानकारी दिनुभयो । परीक्षणको रिपोर्ट भोलि आउने सदस्यसचिव भट्टराईले जानकारी दिनुभयो ।
