#
कोरोना

दमकका थप एक जनामा कोरोना पुष्टि

  सवाल नेपाल   २९ असार २०७७, सोमबार १७:१५

दमक। झापाको दमक नगरपालिकामा थप एक जनामा कोरोना संक्रमण पुष्टि भएको छ । योसँगै दमकका कोरोना संक्रमितको संख्या १० पुगेको छ । आइतबार दमकबाट पठाइएका ३२ जनाको स्वावको पिसीआर परीक्षणमा एक जनामा कोरोना संक्रमण पुष्टि भएको हो ।

पुष्टि हुनेमा काँकडभिट्टा नाकाहुँदै भारतबाट २५ गते आएर मानसरोबर क्वारेन्टाइनमा बस्दै आएका ४३ वर्षीय पुरुष छन् । श्रोतका अनुसार उनी दमकको वडा नम्बर ८ का हुन् । संक्रमण पुष्टि भएसँगै उनलाइ गोठगाउँ स्थित पूर्वाञ्चल विश्वविद्यालयको कोभिड अस्पतालमा पठाइएको छ ।

दमकबाट पीसीआर परीक्षणका लागि २४ जना पुरुष र ८ जना महिलाको स्वाब संकलनगरी पठाइएको थियो । स्वाव पठाइएकामा दमकको मानसरोबर क्वारेन्टाइनका १६ जना थिए भने महिला क्वारेन्टाइनका ३ जना र अस्पतालका ७ जना थिए ।

त्यस्तै होम क्वारेन्टाइनका ६ जना थिए । रिपोर्ट नेगेटिभ आएका मध्ये क्वारेन्टाइनबाट आज १२ जना घर फर्किएका छन् । दमकका संक्रमित मध्ये ६ जनाले कोरोना जितेर घर फर्किसकेका छन् ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु