#
राजनीति

प्रधानमन्त्री ओली र उपाध्यक्ष गौतमबीच भैंसेपाटीमा छलफल

  सवाल नेपाल   १३ श्रावण २०७७, मंगलवार २१:५२

प्रधानमन्त्री एवं नेकपा अध्यक्ष केपी शर्मा ओली र नेकपा उपाध्यक्ष वामदेव गौतमबीच मंगलवार साँझ भेटवार्ता भएको छ ।

गौतमलाई भेट्न प्रधानमन्त्री ओली मंगलवार साँझ भैंसेपाटीस्थित गौतम निवास पुगेका थिए ।

नेताद्वयबीच नेकपाभित्र देखिएको विवाद तथा समसामयिक राजनीतिक घटनाक्रमबारे छलफल भएको सहयोगीहरुले जनाएका छन् ।

मंगलवार मात्र उपाध्यक्ष गौतमले अगाडि सारेको ६ बुँदे प्रस्तावले नेकपाभित्र नयाँ तरंग ल्याएको छ ।

गौतमको प्रस्तावले प्रधानमन्त्री ओलीलाई उत्साहित बनाएको ठानिएको छ ।

मंगलवार पुष्पकमल दाहाल ‘प्रचण्ड’ माधव नेपाल समूहका नेताको भेलामा गौतमले आफूले राखेको प्रस्तावमा निकास खोज्न आग्रह गरेका थिए ।

मृगौला प्रत्यारोपण गरेपछि प्रधानमन्त्री ओली राष्ट्रपति कार्यालय, अस्पताल, संसद भवन र सिंहदरबारबाहेक बाहिर गएका थिएनन् ।

लामो समयपछि ओली गौतम निवासमा पुगेर राजनीतिक भलाकुसारी गरेका हुन् ।

ओली र गौतमबीचको भेटवार्तालाई निकै महत्व र चासोका साथ हेरिएको छ ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु