#
अन्तराष्ट्रिय

कोरोनाभाइरसबाट सबैभन्दा धेरै ज्यान गुमाउनेमा मेक्सिको तेस्रो स्थानमा

  एजेन्सी   १७ श्रावण २०७७, शनिबार १२:३५

कोरोनाभाइरसबाट सबैभन्दा धेरै ज्यान गुमाउने देशको सूचीमा मेक्सिको तेस्रो स्थानमा उक्लिएको छ । मेक्सिकोभन्दा अगाडि अमेरिका र ब्राजिल मात्र रहेका छन् । पछिल्लो तथ्यांक अनुसार महामारी सुरु भएयता शुक्रबारसम्म मेक्सिकोमा ४६ हजार ६८८ जनाले ज्यान गुमाएका छन् । शुक्रबार एकै दिन ६८८ जनाको मृत्यु भएको थियो । देशमा ४ लाख २३ हजार ६३७ जना संक्रमित रहेका छन् । यसअघि ४६ हजार २०४ मृत्युसहित सबैभन्दा धेरै ज्यान गुमाउनेको देशको सूचीमा तेस्रो स्थानमा बेलायत रहेको थियो ।

स्थानीय अधिकारीहरुले मेक्सिकोमा कूल संक्रमितको संख्या तथ्यांकमा देखिएभन्दा धेरै रहेको हुनसक्ने बताएका छन् । संक्रमितको संख्या बृद्धि भइरहँदा मेक्सिकोका राष्ट्रपति आन्द्रेस म्यानुएल लोपेज ओब्राडोरले भने देशको अर्थतन्त्रलाई पुनः चलायनमान बनाउन आतुर छन् । उनको सरकारले मेमा चरणबद्धरुपमा लकडाउन खुला गर्ने योजना घोषणा गरेको थियो ।

मध्य जुनदेखि हजारौँ कामदारहरु काममा फर्किएका थिए । त्यस्तै जुलाईदेखि अन्य व्यवसायलाई खुला गर्ने अनुमति दिइएको थियो । आलोचकहरुले भने लकडाउन गर्न ओब्राडोरले ढिलाइ गरेको र अहिले लकडाउन खुकुलो बनाउन हतारो गरेको आरोप लगाएका छन् ।

यता, विश्व स्वास्थ्य संगठन (डब्लुएचओ) ले महामारीको असर दशकौँसम्म रहने चेतावनी दिएको छ । स्रोत : बीबीसी

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु