#
कोरोना

बग्गीखानामा कार्यरत दुई जना ट्राफिक प्रहरीमा कोरोना भाइरस संक्रमण, तीन सय जना भन्दा बढीलाई क्वारेन्टाइनमा राखियो

  सवाल नेपाल   १८ श्रावण २०७७, आईतवार ११:११

काठमाडौं । महानगरीय ट्राफिक प्रहरी महाशाखा बग्गीखानामा कार्यरत दुई जना ट्राफिक प्रहरीमा कोरोना भाइरस संक्रमण पुष्टि भएको छ । कोरोना पुष्टि भएसँगै महाशाखाबाट प्रवाह हुने सम्पूर्ण सेवाहरु बन्द गरिएको छ ।

महानगरिय ट्राफिक महाशाखा प्रमुख एसएसपी भीम ढकालका अनसार त्यहाँ कार्यरत दुई जनामा कोरोना पुष्टि भएपछि तत्कालका लागि सम्पूर्ण सेवाहरु बन्द गरिएको हो ।

अहिले त्यहाँ करिब तीन सय जना भन्दा बढीलाई क्वारेन्टाइनमा राखिएको छ । सेवाग्रहीदेखि अन्य प्रहरीलाई समेत महाशाखामा आवतजवात गर्न निषेध गरिएको छ ।

क्वारेन्टाइनमा रहेका प्रहरीको ट्रेसिङ गरेर पीसीआर परीक्षणको तयारी भइरहेको छ । उपत्यकाभित्र १ हजार ५ सय ४५ ट्राफिक प्रहरी कार्यरत छन् । यसअघि नै प्रहरी प्रधान कार्यालय नक्सालमा कार्यरत ७२ जना प्रहरीमा कोरोना पुष्टि भइसकेको छ ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु