काठमाडौँ । बलिवुड अभिनेता अभिषेक बच्चन कोरोनालाई जितेर अस्पतालबाट डिस्चार्ज भएका छन् । शनिबार गरिएको पिसिआर परिक्षणमा अभिषेकको रिपोर्ट निगेटिभ आएको आफैले जानकारी दिएका छन् ।
उनले भनेका छन् – मैले बाचा गरेको थिए, यसलाई हराउछु भनेर, अभिषेकले कोरोना रिपोर्ट निगेटिभ आएपछि आफ्ना समर्थक, अस्पतालका डाक्टर र नर्सहरुलाई धन्यवाद दिएका छन् ।
कोरोना संक्रमण भएपछि गत असार २७ गते आफ्ना पिता अमिताभ बच्चनसँगै मुम्बईस्थित ननावती अस्पतालमा अभिषेक भर्ना भएका थिए । उनीसँगै संक्रमित भएका उनकी श्रीमती ऐश्वर्या राय र उनकी छोरी आराध्याले पनि कोरोना जितिसकेका छन् ।
ऐश्वर्या र आराध्या श्रावण १२ गते अस्पतालबाट डिस्चार्ज भएका थिए भने अमिताभ बच्चन श्रावण १८ गते अस्पतालबाट डिस्चार्ज भएका थिए ।
योसँगै बच्चन परिवारले कोरोना जितेको छ । संक्रमित चारै जनाको रिपोर्ट निगेटिभ आएको छ ।