#
राष्ट्रिय खबर

असोज १ बाटै लामो दूरीको यातायात खुल्ने, भाडा ५० प्रतिशत बढ्यो

  सवाल नेपाल   ३० भाद्र २०७७, मंगलवार २२:२९

काठमाडौं, ३० भदौं । सरकारले लामो दूरीको यातायात असोज १ गतेदेखि नै खुलाउने भएको छ । मन्त्रिपरिषद्को सोमबार बसेको बैठकले स्वास्थ्य सुरक्षा मापदण्ड पालना गर्दै यातायात सञ्चालन गर्न दिने निर्णय गरेको हो ।

व्यवसायीले साविकको भाडा दरमा ५० प्रतिशत बढाएर लिन सक्ने मन्त्रिपरिषदको निर्णय सार्वजनिक गर्दै परराष्ट्रमन्त्री प्रदीप ज्ञवालीले जानकारी दिएका छन् ।

संक्रमणको जोखिम बढेको अवस्थामा स्थानीय प्रशासनले आवश्यक निर्णय लिन सक्ने जनाइएको छ । संक्रमण एकदेखि अर्कोमा सर्न नदिन बसको एक लहरको सिटमा एक जना मात्र बस्न पाइने जनाइएको छ ।

यता यातायात व्यवसायीहरुले पनि लामो समयदेखिको लकडाउन र लगतैको निषेधाज्ञाका कारण आफूहरुको व्यवसाय चौपट भएको भन्दै असोज लगतै सार्वजनिक यातायात सञ्चालनमा ल्याउने जानकारी गराउँदै विभिन्न जिल्लाका स्थानीय प्रशासनमा ध्यानाकर्षपत्र बुझाएका छन् ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु