अन्तराष्ट्रिय

दिल्लीमा प्रहरी नै असुरक्षित, कारको बोनेटमा राखेर ट्राफिक प्रहरीलाई घुमाइयो


    एजेन्सी   २९ आश्विन २०७७, बिहीबार ११:४५

भारतको राजधानी दिल्लीमा प्रहरी नै असुरक्षित छ । एक कारचालकले ट्राफिक प्रहरीलाई बोनटमा राखेर टाढासम्म पुर्‍याएको घटना हालै सार्वजनिक भएपछि प्रहरीको असुरक्षा छताछुल्ल भएको हो ।

प्रहरीले कार रोक्न कोशिश गर्दा चालकले उसलाई धक्का दिँदै बोनटमा राखेर लतार्दै परसम्म लगेको देखिन्छ । अझ कारलाई यताउता घुमाएर ऊ प्रहरीलाई लडाउन खोज्छ ।

केही समयपछि ऊ त्यसमा सफल पनि हुन्छ र प्रहरी सडकमा पछारिन्छ ।

घटना सोमवार धौलाकुआँमा भएको हो ।

यसरी कारचालकले ट्राफिक प्रहरीको ज्यान जोखिममा पारेको थियो भने सडकमा हिँडिरहेका अन्य व्यक्तिको सुरक्षामा पनि खतरा निम्त्याएको थियो ।

आरोपित कारचालकले लगभग ५०० मिटरसम्म बोनटमा प्रहरीलाई लतार्दै लगेको हो । त्यतिखेर सडकमा गाडीको बाक्लो आवतजावत थियो ।

कारले ट्राफिक नियम उल्लंघन गरेकाले प्रहरीले उसलाई राक्न खोजेको थियो । तर चालकले कार रोक्नुको साटो थप द्रुत गतिमा गाडी कुदायो ।

शिवम नामक उक्त कारचालकलाई पक्राउ गरेर अनुसन्धान भइरहेको छ ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु