अनौठा कुरा

हावामा उड्न लागेको थियो मेट्रो ट्रेन, बचायो ‘ह्वेल माछा’ले


  काठमाडाैं   सवाल नेपाल   २०७७ कार्तिक १९, २२:२८

नेदरल्यान्ड्सको रोटरड्याम शहरमा एक मेट्रो ट्रेन द्रुत गतिमा स्टेसनलाई समेत भत्काउँदै हावामा उड्न ठिक्क परेको बेलामा ‘ह्वेल माछाको पुच्छर’ ले बचाएको छ ।

मेट्रो ट्रेनले नियन्त्रण गुमाएपछि स्टेसनमा नरोकिएर हावामा उड्न पुगेको थियो ।

डी एकेर्स नामक स्टेसनलाई भत्काउँदै ट्रेन हावामा पुगिसकेको थियो तर त्यहाँ भएको ह्वेल माछाको मूर्तिको पुच्छरमा अड्किन पुग्यो । ट्रेन त्यहीँ अड्कियो नत्र ठूलै दुर्घटना हुन सक्थ्यो ।

ह्वेलको मूर्ति मेट्रो स्टेसन नजिकको पार्कमा २० वर्षअघि बनाइएको थियो । दुई ठूला ह्वेल माछाका विशाल पुच्छरहरू त्यहाँ छन् । तीमध्येको एक पुच्छरले मेट्रो ट्रेनलाई बचायो ।

ट्रेन चालकको ज्यान जसोतसो जोगियो र कुनै चोट पनि लागेन । तर चालक निकै स्तब्ध भए । धन्य, ट्रेनमा चालक मात्र थिए अनि एकजना पनि यात्रु थिएन ।

ट्रेनलाई ह्वेलको पुच्छरबाट निकाल्नका लागि वास्तुकलाविद्, इन्जिनीयर र केही विशेषज्ञहरू काम गरिरहेका छन् ।

घटनामा संरचना अलिकति भत्केको तर जनधनको क्षति नभएको प्रहरीको भनाइ छ । मेट्रो ट्रेन कसरी नियन्त्रण बाहिर पुग्यो भन्ने विषयमा अनुसन्धान जारी छ ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु