जीवनशैली

प्रतिरोधात्मक क्षमता बढाउनेदेखि तनावमुक्त गराउन प्रयोग गर्नोस तुलसी


  काठमाडाैं   एजेन्सी   २०७७ कार्तिक २०, १४:३६

काठमाडौँ– विश्वभर फैलिरहेको कोरोना भाईरस महामारीका समयमा नेपालमा पनि आयुर्वेदिक पद्धतिबाट भाईरसविरुद्ध रोग प्रतिरोधात्मक क्षमता कसरी बढाउन सकिन्छ भनेर खोज भईरहेको छ ।

कतिपय संक्रमितले नेपाली माटोमा उब्जाउ भएका वनस्पतीको प्रयोग गरी निको भएर घर फर्केको समेत दाबी गरिएको छ ।

उनीहरुमध्ये केहीले तुलसीपत्ता पनि नियमित सेवन गरेको पाईयो । कतिपयले यसको पत्ता चियामा राखेर पनि पिउने गर्दछन् । आयुर्वेदिक चिकित्सक पनि यसको प्रयोग गर्न सुझाउँछन् ।

यतिमात्र होइन अक्सिजन कम हुनेले तुलसीको बास्ना लिँदा श्वासप्रश्वासमा सन्तुलन आउने अनुसन्धानबाट पत्ता लागेको छ ।

तुलसीको प्रयोगका साथै हरियो कागती सुँघ्ने, ग्लुकोज पानी खाने, बीरे नुन, मरिच, जुवानो, अदुवा र लसुन तातोपानीमा खाँदा पेट दुखेको पनि आराम हुने बताइएको छ ।

अहिले मौसममा आएको बदलावका कारण धेरैलाई चिसो लागेको छ । जाडोयाममा यही चिसोका कारण धेरै मानिस बिरामी हुने गर्छन् ।

चिसोकै कारण सबै भन्दा धेरै मानिसलाई रूघाखोकीले सताइरहेको हुन्छ । रुघाखोकी सँगसँगै स्वास्थ्यमा अन्य विभिन्न समस्या हुने गर्छन् । यदि तपाईले तुलसीको पत्ता तातोपानीमा उमालेर खानुभयो भने यसले तपाईलाई निकै फाईदा पुर्‍याउँछ ।

नियमित तुलसी सेवनका फाईदाहरु

– रोग प्रतिरोधात्मक क्षमताको विकास

– दाँतको दुखाइका लागि तुलसी लभदायक हुन्छ ।

– स-साना बालबालिका, वृद्धवृद्धा र गर्भवतिका लागि विशेष फाईदा

– तुलसीको पत्ता सेवन गर्नाले शीघ्र स्खलन, स्वप्न दोष तथा यौनजन्य रोगबाट टाढा राख्न मद्दत गर्छ।

– चिसोबाट बच्नका लागि निकै उत्तम ।

– टाउको दुख्ने समस्याबाट मुक्त ।

– मुख गनाउने समस्याबाट छुट्कारा ।

– मुटुसम्बन्धी समस्या हुनेहरूले दैनिक रुपमा खालीपेटमा तुलसीको पत्ता र दूध सेवन गर्न सकिन्छ ।

– वान्ता रोक्न तुलसी पत्ताको रस प्रयोग गर्ने ।

– तनाव मुक्त गराउन तुलसीको पत्ता चुस्ने ।

– तुलसीको सुकेको पात पिसेर अनुहारमा दल्नाले अनुहारको चमक बढ्छ ।

– कानको दुखाई चट्टै पार्न पनि यसको प्रयोग गरिन्छ ।

औषधिको काम गर्ने तु्लसी हिन्दु धर्मावलम्वीहरूले घरघरमा रोपेका हुन्छन् । हिन्दु धर्ममा जुन घरमा तुलसी रोपिएको हुन्छ त्यो घरमा सर्प, विच्छी जस्ता हानिकारक किराहरु आउँदैनन् भन्ने विश्वास गरिन्छ ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु