अर्थ/बजार

विश्व बजारमा फेरि घट्न थाल्यो तेलको मूल्य


  काठमाडाैं   एजेन्सी   २०७७ कार्तिक २२, १६:२९

ऐतिहासिक नकारात्मक मूल्यलाई छोएर उकालो लागेको तेलको मूल्यमा फेरि गिरावट सुरु भएको छ । युरोपेली देशहरुमा घोषणा गरिएको राष्ट्रव्यापी लकडाउन तथा अमेरिकी चुनावका कारण पछिल्लो समय तेलको मूल्य फेरि घट्न थालेको हो ।

कच्चा तेलको मूल्य शुक्रबार अमेरिकी (डब्लुटीआई) बजारमा २.७ प्रतिशत र युरोपेली (ब्रेन्ट) बजारमा २.६ प्रतिशतले गिरावट आएर क्रमशः ३७.३७ र ३९.८८ अमेरिकी डलरमा झरेको थियो । शनिबार पनि मूल्य घट्ने क्रमले निरन्तरता पाएको छ ।

त्यसो त, लकडाउन वा चुनावले पारेको डिमान्ड साइड इफेक्टका कारण मात्रै मूल्यमा यो गिरावट आएको होइन । रसिया लगायत अन्य तेल उत्पादक राष्ट्रले विश्व बजारको मागमा आएको गिरावट बमोजिम तत्कालै तेलको उत्पादनमा कटौती गर्ने संकेत नदेखाएका कारणले पनि तेलको मूल्य घटेको हो ।

युरोपमा कोरोनाभाइरस संक्रमितको संख्या बढ्दै गएको छ । इटालीमा एकैदिन १ लाख २० हजार भन्दा बढी संक्रमित देखिएर ऐतिहासिक राष्ट्रिय रेकर्ड बनाएको छ । यस्तै अवस्था अरु देशमा पनि छ । सोही कारण युरोपेली युनियनको एक्जुकेटिभ कमिसनले आफ्नो आर्थिक प्रक्षेपणलाई कटौती गरेर सन् २०२३ सम्म अर्थतन्त्र पहिलेको अवस्थामा नफर्कने जनाएको छ ।

युरोपेली क्षेत्रको लकडाउनका कारण आगामी जनवरीसम्म यो क्षेत्रमा प्रतिदिन २० लाख ब्यारेल तेलको माग कम हुने प्रक्षेपण गरिएको छ ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु