मुख्य

इथियोपिया अशान्तिः एम्नेस्टी इन्टरन्याश्नल भन्छ, ‘टीग्रे राज्यमा सयौँ मानिसको आमहत्या’


  काठमाडौं   सवाल नेपाल   २०७७ कार्तिक २८, १४:१०

प्रत्यक्षदर्शीहरूले टीग्रे पीपल्स लिबरेशन फ्रन्ट (टीपीएलफ) नामक सङ्गठनका सैनिकहरूले सोमवार भएको त्यस्तो नरसंहारको घटना गराएको बताएका छन्।

तर टीग्रेका अधिकारीहरूले टीपीएलफका समर्थकहरू उक्त घटनामा संलग्न नभएको दाबी गरेका छन्।

गत हप्ता सरकारी सैन्य र टीपीएलफबीच भिडन्त सुरु भएको थियो।

इथियोपियाको त्यस क्षेत्रमा टेलिफोन लाइन र इन्टरनेट सेवा अवरुद्ध भएकोले त्यहाँबाट सूचना तथा जानकारीहरू हासिल हुन अप्ठ्यारो अवस्था छ।

सेनाप्रमुखको हत्या भएपछि इथियोपियामा जातीय हिंसाको खतरा
विस्फोटको प्रधानमन्त्रीद्वारा निन्दा
उक्त द्वन्द्वमा सबैभन्दा धेरै सङ्ख्यामा गैरसैनिकहरूको ज्यान लिइएको यो नै पहिलो घटना हुनसक्छ।

इथियोपियाको सरकार र देशको उत्तरी राज्य टीग्रेमा नियन्त्रण कायम गरेको टीपीएलफबीच लामो समयदेखि तनाव रहँदै आएको छ जुन अब सैन्य भिडन्तमा परिणत भएको छ। भिडन्तका क्रममा सङ्घीय सैन्यले हवाई आक्रकमण पनि गरेको छ।

परिणामस्वरूप हजारौँ गैरसैनिक सर्वसाधारणहरूले शरणका लागि सीमा पार गरेर सुडानमा प्रवेश गरेका छन्। सुडानले तिनीहरूलाई एउटा शरणार्थी शिविरमा राखेर आश्रय दिने बताएको छ।

एम्नेस्टीले के भनेको छ?

एउटा वक्तव्य उक्त मानवाधिकारवादी संस्थाले भनेकोः “नोभेम्बर ९ को रात टीग्रे क्षेत्रको दक्षिणपश्चिममा अवस्थित मे काडेरा नगरमा सम्भवतः सयौँ मानिसहरूलाई छुरी धसेर वा धारिलो हतियारले काटेर मारिएको छ।”

उक्त संस्थाले उक्त घटनाको “तस्बिर र भिडिओहरू हेरेको र ती सक्कली नै हुन् भनेर डिजिटल रूपमा प्रमाणीकरण पनि गरिएको” जनाएको छ। ती तस्बिर र भिडिओमा नगरभरि मानिसहरूको शरीर छरिएर रहेका र केहीलाई स्ट्रेचरमा हालेर अन्यत्र लैजाँदै गरेको देख्न सकिने बताइएको छ।

एम्नेस्टीका अनुसार मारिएकाहरू त्यहाँको द्वन्द्वमा सहभागी नरहेका श्रमिकहरू भएका जस्तो देखिन्छ।

नोबेल शान्ति पुरस्कार इथियोपियाली प्रधानमन्त्रीलाई
एम्नेस्टीका पूर्वी तथा दक्षिणी अफ्रिकाका निर्देशक डिप्रोस मुचेनाले उक्त घटनालाई “एउटा भयानक दुःखान्त घटना” भनेका छन्। उनले त्यहाँ सञ्चार सेवा पुनःस्थापित गर्न र पर्यवेक्षकहरूलाई त्यस क्षेत्रमा जान दिन सरकारलाई आग्रह गरेका छन्।

एमनेस्टीले केही प्रत्यक्षदर्शीहरूलाई उद्धृत गरेर जनाएअनुसार टीपीएलफप्रति बफादार सैन्यले तिनीहरू लुग्डी क्षेत्रमा सङ्घीय सैन्यबाट पराजित भएपछि धारिलो हतियार प्रयोग गरेर भएको उक्त आक्रमण गरेका थिए।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु