अन्तराष्ट्रिय

रामायण र महाभारत सुन्दै हुर्किएका थिए ओबामा


  काठमाडौं   सवाल नेपाल   २०७७ मंसिर २, १३:२३

एजेन्सी । अमेरिकी पूर्व राष्ट्रपति बाराक ओबामाले बाल्यकालमा रामायण र महाभारतका कथा सुन्दै हुर्किएको उल्लेख गरेका छन् । आफ्नो नयाँ संस्मरणमा उनले यस विषय उल्लेख गरेका हुन् । इन्डोनेशियामा रामायण र महाभारतका कथा सुन्दै हुुर्किएकाले आफुलाई भारत सधैं विशेष लाग्ने गरेको उनले उल्लेख गरेका छन् ।

‘विश्वको १ अर्ब जनसंख्या बसोबास गर्ने भएकाले पक्कै पनि यो ठूलो हुनसक्छ, जहाँ झन्डै २ हजार फरक जातिय समूह बस्छन् र ७ सयभन्दा धेरै भाषा बोलिन्छ,’ भारतबारेको बाल्यकालको आफ्नो कल्पनालाई ओबामाले नयाँ पुुस्तक ‘द प्रोमिस्ड ल्यान्ड’ मा यसरी उतारेका छन् ।

२०१० मा राष्ट्रपतिय भ्रमणका क्रममा ओबामा भारत आएका थिए । यसअघि आफु कहिल्यै भारत नआएपनि आफ्नो कल्पनामा भारतको स्थान विशेष रहेको उनले बताए । ‘यसकारण हुनसक्छ किनकी मैले आफ्नो बाल्यकाल इन्डोनेशियामा बिताए, जहाँ महाभारत र रामायणका हिन्दुु कथाहरु सुन्थें र यो कारण पनि हुनसक्छ किनकी मलाई पूर्वीय धर्ममा रुची छ । वा यसकारण पनि किनकि कलेजमा मलाई पाकिस्तानी र भारतीय साथीभाईहरुको समूहले दाल र किम पकाउन सिकाएका थिए र उनीहरुले नै मलाई बलिउड फिल्म हेर्न सिकाएका थिए,’ ओबामाले लेखेका छन् ।

अमेरिकाका ४४ औं राष्ट्रपति ओबामाको यो पुस्तक मंगलबारदेखि बुकस्टोरहरुमा उपलब्ध हुँदैछ । उनले यस पुस्तकमा सामान्य व्यक्तिदेखि विश्वकै शक्तिशाली राष्ट्रको कार्यकारी प्रमुख बन्दासम्मका अनुुभव उतारेका छन् ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु