मुख्य

साहरुखले सुरु गरे ‘पठान’को छायांकन


  काठमाडौं   सवाल नेपाल   २०७७ मंसिर ४, ११:२७

बलिउड नायक साहरुख खान २ बर्षपछि चलचित्रको छायांकन सेटमा फर्किएका छन् । २ बर्ष अगाडि रिलिज भएको चलचित्र ‘जिरो’पछि साहरुखले चलचित्रमा काम गरेका थिएनन् । २ बर्ष लामो ब्रेक लिएपछि उनले चलचित्रको छायांकन सुरु गरेको भारतीय मिडियाले उल्लेख गरेका छन् । साहरुखले बुधबारबाट चलचित्र ‘पठान’को छायांकन सुरु गरेका हुन् ।

बुधबारबाट यो चलचित्रको छायांकन यशराज स्टूडियोमा सुरु भएको छ । लामो कपाल पालेका साहरुख यो चलचित्रमा एक्सन अवतारमा देखिनेछन् ।

चलचित्रमा नायिकाको रुपमा दीपिका पादुकोणले काम गर्दैछिन् । चलचित्रमा नायक जोन अब्राहिम खलनायकको भूमिकामा देखिदैछन् । जोनले जनवरीदेखि यो चलचित्रको छायांकन सुरु गर्नेछन् ।

साहरुखले ‘पठान’को छायांकन सुरु गरेपछि सामाजिक संजालमा उनका फ्यानहरु उत्साहित देखिएका छन् । तर, यशराज ब्यानर र साहरुखले चलचित्रको घोषणा भने गरेका छैनन् । यो चलचित्रको काम सकिएपछि साहरुखले निर्देशक राजकुमार हिरानीको चलचित्रमा काम गर्ने चर्चा छ ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु