अन्तराष्ट्रिय

अमेरिकामा केही हप्ताभित्रै कोरोनाको भ्याक्सिन पाउन सकिनेः स्वास्थ्य विभाग


  काठमाडौं   सवाल नेपाल   २०७७ मंसिर ४, १२:०६

अमेरिकामा कोरोनाभाइरस संक्रमणका कारण ज्यान गुमाउनेको संख्या साढे दुई लाख नाघिसकेको छ ।

जोन होपकिन्स युनिभर्सिटीका अनुसार यहाँ कोरोनाभाइरस संक्रमितको संख्या १.१५ करोड पुगिसकेको छ ।

यसैबीच अमेरिकी स्वास्थ्य विभागले अबको केही हप्ताभित्र दुई भ्याक्सिनलाई अधिकृत गरिने जसका कारण यो वितरणको लागि तयार हुने बताइएको छ ।

बीबीसीको उत्तर अमेरिकी संवाददाता पिटर बोजले यसको जानकारी दिएका हुन् ।

अमेरिकी औषधी कम्पनी फाइजर र यसको सहयोगी जर्मन कम्पनी बायोएनटेकले अमेरिकामा भोलिका दिनमा कोभिड–१९ भ्याक्सिनको आपतकालीन प्रयोगको अनुमति दिनका लागि आवेदन दिएको छ ।

फाइजरका अनुसार ४० हजारभन्दा बढी मानिसहरुमा गरिएको ट्रायलका अनुसार यो भ्याक्सिन ९५ प्रतिशतसम्म प्रभावकारी छ र यसका कुनै गम्भीर नकारात्मक प्रभाव पनि देखिएको छैन ।

बायोएनटेकका मुख्य कार्यकारी अधिकारीका अनुसार युरोपेली संघमा डिसेम्बरको मध्यसम्म भ्याक्सिनले सशर्त स्विकृति पाउने सम्भावना छ ।

यसबाहेक अमेरिकी औषधी कम्पनी मोडर्नाले पनि उसको भ्याक्सिन त्यति नै प्रभावकारी भएको बताउँदै वर्षको अन्त्यसम्म उपलब्ध हुने बताएको छ ।

कोरोनाले अमेरिकामा सबैभन्दा धेरै मानिसको ज्यान लिएको छ ।

अमेरिकाभरी कोरोनाभाइरसको नयाँ लहर आइसकेको छ र हरेक दिन संक्रमणको आँकडामा नयाँ रेकर्ड बनिरहेको छ ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु