सप्तरी । सप्तरीमा सभा बिथोलेको आरोपमा (नेकपा) प्रचण्ड-माधव पक्षका आधा दर्जन बढी युवाहरुलाई प्रहरीले पक्राउ गरेको छ । राजविराजमा ओली पक्षले गर्न लागेको कार्यक्रम बिथोलेको आरोपमा प्रचण्ड –माधव पक्षका ९ नेता कार्यकर्ता पक्राउ परेका हुन्। नेकपा ओली समूह निकट युवा सङ्घले आयोजना गरेको कार्यक्रममा प्रचण्ड–माधव समूह निकट युवाहरुसँग झडप भएको थियो ।

ओली समूह निकट युवा संघ सप्तरीले निकालेको र्याली प्रचण्ड माधव पक्षले विथोल्ने प्रयास गरेको आरोप लगाइएको छ । जिल्ला प्रहरी कार्यालय सप्तरीकाअनुसार पक्राउ पर्नेमा प्रचण्ड-माधव पक्षका जिल्ला कमिटी सदस्य राजु जैसवाल ,छेदी रजक, विद्यार्थी नेता छोटेलाल यादव ,मुकेश यादव, प्रेमकुमार यादव, भुपेन्द्र यादव, विनोद यादव, बम झा लगायत रहेका छन् । उनीहरुलाई झडपका क्रममा पक्राउ गरिएको सप्तरी प्रहरीका प्रवक्ता भुवनेश्वर साहले जानकारी दिए ।

कार्यक्रममा प्रमुख अतिथिको रुपमा रहेका ओली समूहका नेता महेश बस्नेतबिरुद्ध चर्का नारावाजी गरेपछि उनीहरुलाई पक्राउ गरिएको जनाइएको छ । सो क्रममा प्रहरीसँग झडप समेत भएको थियो । पक्राउ परेकाहरुलाई जिल्ला प्रहरी कार्यालय सप्तरीमा राखिएको छ । रातो पाटि बाट साभार

प्रतिक्रिया

सम्बन्धित खवर

ताजा समाचार

लोकप्रिय