रुसको तातारस्तानमा विमान दुर्घटनाग्रस्त, १६ जनाको मृत्यु

रुसको तातारस्तान क्षेत्रमा एक शहर नजिक एल–४१० विमान आइतवार दुर्घटनाग्रस्त हुँदा १६ जना मारिएको र सातजना घाइते भएको रोयटर्स समाचार संस्थाले खबर दिएको छ ।

विमानमा प्यारासुटबाट हाम्फाल्नेहरू सवार रहेको रुसको आकस्मिक मामिला मन्त्रालयले जानकारी दिएको छ । विमानको भग्नावशेषबाट सातजनालाई जिउँदै उद्धार गरिएको थियो ।

विमान दुईवटा इन्जिन भएको छोटो दायराको ट्रान्सपोर्ट एयरक्राफ्ट थियो ।

रुसको उड्डयन सुरक्षाको मापदण्ड हालैका वर्षमा सुधार भएको छ तर दुर्गम क्षेत्रहरूमा पुराना विमान दुर्घटनाग्रस्त हुने गरेका छन् ।

ADVERTISEMENT

एउटै गाउँबाट एक करोडको खसीबोका बिक्री

बागलुङको काठेखोला गाउँपालिका–४ तग्रामबाट यस वर्षको दशैंमा एक करोड मूल्य बराबरको स्थानीय जाातको खसीबोका बिक्री भएका छन्।
तंग्राममा सञ्चालित वसन्त सहकारी र सप्तारंगी सहकारी संस्थाले स्थानीय कृषकसँग खसीबोका संकलन गरी बिक्री गरेका हुन्। हिमाली क्षेत्रका भेडा च्याङ्ग्राको मूल्य अकासीयपछि उपभोक्ताको रोजाइमा स्थानीय खसीबोका परेका छन्।

वसन्त सहकारीले २९५ र सप्तरंगीले एक २० वटा खसीबोका बिक्री गरेको वसन्त सहकारी संस्थाको प्रबन्धक हेमा विकले जानकारी दिए। सहकारीमा आवद्ध कृषकबाट खसीबोका संकलन गरी बिक्रीको लागि बागलुङ बजार, पोखरा, गलकोट, काठेखोलाका विभिन्न वडामा बिक्री भएको थियो।
दुईवटा सहकारीमार्फत् खसीबोका बिक्रीबाट गाउँमा करिब दुई करोड रुपैयाँ भित्र्याएको सप्तरंगी सहकारी संस्थाको प्रबन्धक मनु पुनले बताइन्। घरमा उत्पादन भएका खसी बिक्रीको लागि बजार सुनिश्चित भएपछि कृषकहरू हर्षित छन्।

‘पहिले पहिले समय कटाउन बाख्रा पाल्ने गर्थें’, तग्राम रानीकरङकी कृषक चन्द्रकला पुनले भनिन्, ‘अहिले घर खर्च चल्ने गरी पाल्न थालेकी छु ।’ उनले यसपाली सातवटा बोका बिक्री गरिन् । दुवै सहकारीले आफ्ना सेयर सदस्यसँग २५ किलोसम्मको जिउँदो खसी बोका ४५० र २५ किलो माथिको पाँच सय रुपैयाँमा खरिद गरेका छन्।

‘पहिलो बजार खोज्दै जानुपर्थ्यो, अहिले ग्राहक घरघरमा आउन थालेका छन्’, प्रबन्धक विकले भनिन्, ‘हिमाली क्षेत्र र तराई भागबाट आउने खसीबोका कम हुँदा स्थानीय उत्पादनले बजार पाएको छ। गाउँघरमा वन चरण गरेको खसीबोकाको मासु स्वादिष्ट र स्वाथ्यको लागि हितकार भएपछि उपभोक्ताले तराई क्षेत्रकाभन्दा लेक क्षेत्रका बसीबोका खोज्न थालेका छन्।

बसन्त सहकारीमा ६११ र सप्तरंगीमा ३३१ जना सेयर सदस्य छन्। प्रत्येक सेयर सदस्यले बाख्रा पालन गरेको प्रबन्धक पुनको भनाइ छ। बाख्रा पालनको लागि सहकारीले सस्तो व्याजमा ऋण प्रवाह गर्दै आएको छ। दुवै सहकारीले तिहारको लागि पनि बसीबोका तयारी अवस्थाामा राखेक छन्। वसन्तले वार्षिक एक हजार र सप्तरंगीले सात सयवटा बिक्री गर्ने लक्ष्य लिएका छन्।

गरामनीका अपांगता भएका व्यक्तिलाई मुखिया दम्पतीको खाद्यान्न सहयोग

झापा । यहाँका एक समाजसेवी दम्पतीले अपांगता भएका व्यक्तिहरूलाई राहत वितरण गरेका छन् । विर्तामोड(५ निवासी व्यवसायी तथा समाजसेवी गोपाल मुखिया र पत्नी बबिता राईले सोही नगरपालिकाको वडा न‌‍ं। ७ र ८ का अपांगता भएकाहरूलाई राहतस्वरूप खाद्यान्नलगायतका सामग्री वितरण गरेका हुन् ।

गरामनीमा आयोजित एक कार्यक्रमका बीच मुखियादम्पतीले चामल, नुन, तेललगायतका खाद्या सामग्री वितरण गरे । कार्यक्रममा सहभागीले गोपाल र बबिताको सेवामुखी कार्यको सराहना गरेका छन् ।

तालिवान र अमेरिकाबीच पहिलो पटक भेटवार्ता

अफगानिस्तान निकासीपछि तालिवानका वरिष्ठ नेता र अमेरिकी प्रतिनिधिबीच पहिलोपटक भेटवार्ता भएको छ । अफगान कुटनीतिज्ञाका अनुसार दुई देशबीचको सम्बन्धको नयाँ अध्याय सुरु गर्न दुवैबीच शनिबार पहिलो पटक कतारमा भेटवार्ता भएको हो ।

दुवै पक्षबीचको भेटको मुख्य उदेश्य मानवीय सहायता र तालिवानसँग गतवर्ष भएको सम्झौता कार्यान्वयनको लागि रहेको अफगानिस्तानका विदेशमन्त्री मुल्ला अमिर खान मुताकीले बताएका छन् । ‘अमेरिकाले अफगान नागरिकको लागि कोभिड १९ विरुद्धको खोप उपलब्ध गराउने छ,’ उनले भनेका छन्, ‘हालै भएको भेटले दुई पक्षीय सम्बन्धमा नयाँ अध्याय सुरु हुने अपेक्षा राखिएको छ । तर अफगानिस्तान सरकारलाई कमजोर भने गर्न पाउने छैन ।’

अफगानिस्तानको आर्थिक सहयोगका लागि तालिवानले अन्य अन्तर्राष्ट्रिय निकायसँग पनि भेट्ने बताइएको छ । करिब २० वर्ष लामो अफगानिस्तान मिसनको अन्त्यको घोषणा गर्दै गत अगष्ट ३१ मा आफ्नो सेना झिकाएपछि अमेरिका र तालिवानबीच भएको यो पहिलो भेट हो।

अमेरिकाको सैन्य निकासीपछि तालिवानले सत्ता कब्जामा लिएको थियो।

प्रतितोला १०० ले बढ्यो सुनको मूल्य

नेपालको स्थानीय बजारमा आज सुनको मूल्य प्रतितोला १०० रुपैयाँले बढेको छ । नेपाल सुनचाँदी व्यवसायी महासंघले आजको सुन बजार भाउ तोक्दै मूल्य बढेको बताएको हो । महासंघका अनुसार आज छापावाल सुनको मूल्य प्रतितोला ९० हजार ७०० रुपैयाँ र तेजाबी सुनको मूल्य प्रतितोला ९० हजार ५० रुपैयाँ छ ।

गत साताको शुक्रबार छापावाल सुनको मूल्य ९० हजार ६०० रुपैयाँ र तेजाबी सुनको मूल्य ९० हजार १५० रुपैयाँ थियो । सुनको मूल्यसँगै आज चाँदीको मूल्य पनि बढेको छ । महासंघले आज चाँदीको मूल्य प्रतितोला ५ रुपैयाँले बढ्दै प्रतितोला ११ सय ७५ रुपैयाँ पुगेको छ ।

जोखिम मोलेर अमेरिका जान खोजेका नेपालीसहित १ सय २६ जनाको ग्वाटेमालाबाट उद्धार

काठमाण्डौ ( जोखिम मोलेर अमेरिका जान खोजेका नेपालीसहित १ सय २६ जना आप्रवासीको ग्वाटेमालामा कन्टेनरबाट उद्धार गरिएको छ । सडक छेउमा एउटा कन्टेनरमा अलपत्र छाडिएका १ सय २६ जना आप्रवासीलाई ग्वाटेमालामा प्रहरीले उद्धार गरेको हो । कन्टेनरभित्र चिच्याएको स्थानीयहरूले सुनेपछि उनीहरूको उद्धार गरिएको बीबीसीले जनाएको छ ।

उनीहरूलाई मेक्सिको हुँदै अमेरिका पुर्याउनका लागि रकम असुलेका मानव तस्करले त्यहाँ छोडेको हुनसक्ने सरकारी निकायहरूको अनुमान छ । १ सय २६ मध्ये सयभन्दा बढी हाइटीका नागरिक छन् । नेपाल र घानाका नागरिक पनि कन्टेनरमा रहेका खबरमा उल्लेख छ ।

ग्वाटेमालाको आप्रवासन सम्बन्धी निकायकी प्रवक्ता आलेखान्द्रा मेनाले आप्रवासीहरू होन्डुरस पुगेको र त्यहाँबाट असुरक्षित रूपमा उत्तर हुँदै अमेरिकातर्फ अघि बढेको बताउनुभएको छ । उनीहरूलाई होन्डुरसको सीमामा पुर्याएर त्यहाँका निकायलाई जिम्मा लगाउने तयारी छ ।

हिरासतमा युवकको मृत्यु भएपछि सुनसरीमा विरोध प्रदर्शन

इनरुवा, जिल्ला प्रहरी कार्यालय सुनसरीको हिरासतमा एक युवाको मृत्यु भएपछि इनरुवा– १ स्थित प्रहरी कार्यालयअगाडि आइतबार टाइर बालेर विरोध प्रदर्शन गर्दैै स्थानीयवासी ।

४० विद्युतीय बस खरिद गर्दै साझा, ४ वर्षमा कम्पनीका सबै गाडी प्रदूषणरहित

साझा यातायातले ४० ओटा नयाँ विद्युतीय बस खरिद गर्ने भएको छ । शुक्रबार कम्पनीले विद्युतीय बस खरिदका लागि चीनको सीएचटीसी कम्पनीसँग सम्झौता गरेको हो ।

बस, चार्जर र पाँच वर्षसम्मको मर्मत सम्भार कम्पनीले नै गर्ने गरी सम्झौता भएको छ । साझा यातायातले ४० ओटा विद्युतीय बस, २० ओटा चार्जर, तालिम, मर्मत सम्भार र स्पेयर पार्टस्‌का लागि करिब ५२ करोड रुपियाँ भुक्तानी गर्ने जनाइएको छ ।

कम्पनीले सुरुमा तीन ओटा बस चार महिनाभित्र ल्याउने छ । साझा यातायात सञ्चालक समिति सदस्य भूषण तुलाधरले काठमाडौंमा परीक्षण गरेपश्चात् बाँकी बस ल्याइने बताए ।

२६ सिट क्षमताका यी अपाङ्गतामैत्री बसहरू एक पटक चार्ज गर्दा ४२ जना यात्रु लिएर दुई सय किलोमिटर गुड्नेछन् । ललितपुर महानगरपालिकाको सहकार्यमा थप चार ओटा विद्युतीय बसको खरिद प्रक्रिया पनि अघि बढाइएको छ ।

साझाले पुराना डिजेल बसलाई विद्युतीय रूपान्तरण गर्न आवश्यक अनुसन्धान गर्ने काम पनि अगाडि बढाइरहेको तुलाधरले जानकारी दिए । साझा यातायातलाई विद्युतीय बस खरिदका लागि भौतिक पूर्वाधार तथा यातायात व्यवस्था मन्त्रालयले तीन अर्ब रुपैयाँ शेयर लगानी गरेको छ । साझाले सन् २०२५ भित्र आफ्ना सम्पूर्ण बसहरू प्रदूषणरहित बनाउने जनाएको छ ।

मन्त्री हमालले बुझाए राजीनामा, विवादमा पर्न नचाहेको प्रष्टीकरण, प्रधानमन्त्रीबाट स्वीकृत

काठमाडौं, असोज २४ । उद्योग, वाणिज्य तथा आपूर्तिमन्त्री गजेन्द्रबहादुर हमालले नियुक्तिको तीन दिनमै पद त्याग गर्नुभएको छ । प्रधानन्यायाधीश चोलेन्द्रशमशेर राणाको कोटाबाट मन्त्री बनाइएको भन्दै प्रधानमन्त्री शेरबहादुर देउवासहित प्रधानन्यायाधीश राणा र न्यायालयकै आलोचना हुन थालेपछि हमालले राजीनामा गर्नुभएको हो ।

प्रधानमन्त्री निवास बालुवाटार पुगेर मन्त्री हमालले राजीनामा पत्र बुझाउनुभएको प्रधानमन्त्रीको सचिवालयले जनाएको हो । हमालले दिएको राजीनामा प्रधानमन्त्रीबाट स्वीकृत पनि भइसकेको छ ।

आफू प्रधानमन्त्री बनेको तीन महिनासम्म मन्त्रिपरिषदलाई पूर्णता दिन नसक्नुभएको प्रधानमन्त्री देउवाले हमाललाई प्रधानन्यायाधीश राणाको ‘कोटा’ मा मन्त्री बनाउन लागेको सुईंको पाएपछि सञ्चारमाध्यमदेखि सामाजिक सञ्जालसम्म तीब्र आलोचना भएको थियो ।

देउवाले चौतर्फी विरोध हुँदाहुँदै पनि हमाललाई मन्त्री बनाएपछि आलोचना चुलिएको थियो । राजीनामा बुझाउनुअघि हमालले कांग्रेस महामन्त्री शशांक कोइरालासँग पनि भेट गर्नुभएको थियो ।

हमाललाई शुक्रबार मात्रै उद्योग, वाणिज्य तथा आपूर्ति मन्त्रीमा नियुक्त गरिएको थियो ।

तेजिलो दिमागका लागि खानै पर्ने १० चिज

मानिसको सबैभन्दा महत्त्वपूर्ण अंग भनेको मस्तिष्क हो । मस्तिष्कको इशारामा नै शरीरका अन्य अंगहरु सञ्चालन हुने गर्छन् । स्वस्थ शरीरका लागि मस्तिष्कको कार्य सही हुन जरुरी छ । मस्तिष्कलाई तन्दुरुस्त राख्नका लागि खानेकुरामा विशेष ध्यान दिन जरुरी छ । जसका लागि खानैपर्ने १० खानेकुराका बारेमा यहाँ उल्लेख छ ।
पालक
पालकमा म्याग्नेशियम र पोटाशियम अधिक मात्रामा पाइन्छ । स्मरणशक्ति सँगसँगै क्षमता बढाउन पालक मद्दतगार मानिन्छ । पालकमा भिटामिन बी६, ई र फोलेट भारी मात्रामा पाइन्छ । फोलेटको कमिले स्मरणशक्ति कम हुने र अल्जाइमरको समस्या हुन्छ ।

ओखर
ओखरमा प्रोटिन र स्वस्थकर फ्याट पाइन्छ । ओखरको सेवनले स्मरणशक्ति तेजिलो हुन्छ । यसमा ओमेगा–३ फ्याटी एसिड हुन्छ जसलाई अल्फा–लिनोलेनिड एसिड पनि भनिन्छ । यसले रक्तचाप कम गर्छ । र रक्तधमनीहरुलाई पनि सुरक्षा प्रदान गर्छ । ओखरले मुटु र मस्तिष्कलाई दुवैलाई फाइदा गर्छ ।

मिक्स अन्न
यसमा कार्बोहाइड्रेट, ओमेगा ३ र भिटामिन बी पाइन्छ । मस्तिष्कको विकास र गतिका लागि यो जरुरी हुन्छ । काब्र्स ऊर्जा मुड र व्यवहारलाई सही बनाउन र स्मरणशक्तिलाई सन्तुलनमा राख्न यो अन्नको आवश्यकता पर्छ ।

कफी
मस्तिष्कको एकाग्रता बढाउनका लागि कफी महत्त्वपूर्ण पेय पदार्थ हो । यसले मस्तिष्कमा एन्टिअक्सिडेन्ट पनि पुर्‍याउन मद्दत गर्छ । शरीरमा आवश्यक पर्ने क्याफिन पनि कफीबाट प्राप्त हुन्छ ।

डार्क चकलेट
दिमागलाई तेजिलो बनाउनका लागि डार्क चकलेट धेरै नै फाइदाजनक मानिन्छ । यसमा ७० प्रतिशत नरिवल हुन्छ । कोकोमा फ्ल्यावोनोइड्स पाइन्छ । जसमा एन्टिअक्सिडेन्ट पनि हुन्छ । यसले मस्तिष्क स्वस्थ राख्न मद्दत गर्छ । यसका साथै, स्याउ, अंगुर, प्याज, चिया, बियर र वाइनमा पनि फ्ल्वोनोइड्स पाइन्छ ।

फ्याटी माछा
यो माछामा ओमेगा–३ फ्याटी एसिड भरपुर मात्रामा पाइन्छ । यसमा एक प्रकारको अनस्याचुरेटेड फ्याट हुन्छ । जसले बीटा अमाइलोइडको स्तर कम गर्छ । बीटा अमाइलोइडको कारण मस्तिष्कमा क्लंप्स बन्छ जसको कारण अल्जाइमरको समस्या हुन्छ । हप्तामा कम्तीमा दुई पटक माछा खाने गर्नुपर्छ । साल्मन, कोड, टुना आदि प्रजातिका माछाहरु स्वास्थ्यका लागि फाइदाजनक हुन्छ ।

हरिया सागसब्जी
हरिया सागसब्जीहरुमा भिटामिन सी जस्ता एन्टिअक्सिडेन्ट्स पाइन्छ । यसमा क्यारोटेनोय्ड्स पाइन्छ । यसलाई मस्तिष्कलाई सुरक्षा दिने शक्तिशाली पदार्थ मानिन्छ । ब्रोकाउली, पत्तागोभी, ब्रुसली र अंकुरित सागसब्जीहरुको सेवनले मस्तिष्कलाई फाइदा गराउँछ ।

दूध
दूधमा भिटामिन बी६, बी१२, क्याल्शियम, म्याग्नेशियम र पोटाशियम पाइन्छ । यसमा सबै प्रकारका पोषक तत्वहरु पाइन्छ । यसका साथै, दूधमा हुने प्रोटिनले तनावग्रस्त मस्तिष्कको कार्यमा पनि सुधार ल्याउँछ ।

ब्ल्याकबेरी
अध्ययनका अनुसार ब्ल्याकबेरीको सेवनले स्मरणशक्ति बढाउँछ । यसले छिटो विर्सिने समस्यालाई पनि कम गराउँछ । यसमा भारी मात्रामा एन्टिअक्सिडेन्ट पाइन्छ । जसले ब्रेन सेलको सुरक्षा गर्छ । यसका साथै, ब्रेन सेलको विकास पनि गर्छ ।

पानी
हाम्रो मस्तिष्कको ८५ प्रतिशत भाग पानीले बनेको हुन्छ । पानीले मस्तिष्कका कोशिकाहरुलाई सुख्खा हुन दिँदैन । अनुसन्धानका अनुसार पानीको कमिले मस्तिष्कका कोशिकाहरुको साथसाथै एकाग्रता र स्मरणशक्तिलाई पनि प्रभावित गर्छ । हरेक दिन ६ देखि ८ गिलास पानी पिउन आवश्यक छ ।