काठमाडौँ । हालसम्म कोरोना भाइरस (कोभिड १९) बाट नेपाल प्रहरीका ५ हजार भन्दा बढी संक्रमित भएका छन् ।
प्रहरी प्रधान कार्यालयले दिएको जानकारी अनुसार हालसम्म देशभरका ५ हजार ३ सय २९ जना प्रहरीमा कोरोना संक्रमण पुष्टि भइसकेको छ ।
जसमध्ये काठमाडौँ उपत्यकामा मात्रै ११ सय ६ जना सक्रिय संक्रमित छन् । प्रहरी प्रधान कार्यालयका ३ सय ६५ र उपत्यकाका ७ सय ४१ गरी ११ सय ६ जना सक्रिय संक्रमित छन् ।
हालसम्म २ हजार ८५ जना उपचाररत छन् भने ३ हजार २ सय ४४ जना डिस्चार्ज भएका छन् ।
प्रदेश १ मा १५०, प्रदेश २ मा ८५, वाग्मती प्रदेशमा १७४, गण्डकी प्रदेशमा १९५, लुम्बिनी प्रदेशमा २०५, कर्णाली प्रदेशमा ४८ र सुदूरपश्चिम प्रदेशमा १२५ जना नेपाल प्रहरी सक्रिय संक्रमित छन् ।
