थप ८ जनाको कोरोना सङ्क्रमितको मृत्यु, मृतकको सङ्ख्या १९ सयनजिक

काठमाडौँ। गत २४ घण्टामा कोरोनासम्बन्धी कारणले ८ जनाले ज्यान गुमाएका छन्।

स्वास्थ्य तथा जनसङ्ख्या मन्त्रालयको आजको कोभिड–१९ राष्ट्रिय अद्यावधिक विवरणका अनुसार हालसम्म नेपालमा कोरोनाभाइरससँग सम्बन्धित कारणले गर्दा १,८९३ जनाले ज्यान गुमाइसकेका छन्।

नेपालमा कूल कोरोना सङ्क्रमितमध्ये ०.७२ प्रतिशतले ज्यान गुमाएका छन्। यो दर केही दिनयता बढ्ने क्रममा छ।