पछिल्लो चौबीस घण्टामा मुलुकभर कोरोना संक्रमणका कारण सातजनाको मृत्यु भएको छ । योसँगै नेपालमा कोरोनाका कारण मृत्यु हुनेको संख्या एक हजार ९८६ पुगेको छ ।स्वास्थ्य तथा जनसंख्या मन्त्रालयका अनुसार पछिल्लो २४ घण्टामा  पीसीआर गरिएका तीन हजार ५४५ मध्ये ३०२ जनाको नतिजा पोजेटिभ आएको छ । नेपालमा शुक्रबारसम्म जम्मा संक्रमितको संख्या दुई लाख ६८ हजार ९४८ जना पुगेको छ।त्यस्तै पछिल्लो २४ घण्टामा ४८० जना निको भएका छन् । योसँगै देशमा कोरोनामुक्त हुनेको संख्या दुई लाख ६३ हजार ३४८ पुगेको छ ।हाल क्वारेन्टिनमा १५८ जना छन् भने तीन हजार ६१४ जना आइसोलेसनमा रहेको मन्त्रालयले जनाएको छ ।