आज १ सय ४ जनामा कोरोना संक्रमण पुष्टि, मृत्यु शुन्य

पछिल्लो २४ घन्टामा नेपालमा थप १ सय ४ जनामा  कोरोना संक्रमण पुष्टि भएको छ । २४ घन्टामा १ सय ३१ जना उपचारपछि संक्रमणमुक्त भई डिस्चार्ज भएका छन् । यो सँगै नेपालमा हालसम्म संक्रमणमुक्त हुनेको संख्या २ लाख ६८ हजार ७ सय ९६ पुगेको छ । मन्त्रालयले दिएको जानकारी अनुसार, आईतवार पनि  मृतकको संख्या शून्य रहेको छ । आजसम्म कोरोना संक्रमणबाट मृत्यु हुनेको सख्या २ हजार ५४ पुगेको स्वास्थ्य तथा जनसंख्या मन्त्रालयले जनाएको छ । आजसम्म २१ लाख १७ हजार ५० जनाको पिसीआर परिक्षण भएको छ भने १६ सय ४ जना आइसोलेशनमा बसेका छन् ।