भारतबाट फर्किएका ३९ जनाको परीक्षण गर्दा ८ जनामा कोरोना देखियो

भारतबाट बैतडी जिल्लामा फर्किएकालाई सीमा नाकामा परीक्षण गर्दा ८ जनामा कोरोना संक्रमण देखिएको छ । झुलाघाट नाकामा भारतबाट फर्किएका ३९ जनामा  एन्टिजेन विधिबाट कोभिड–१९ परीक्षण गर्दा आठ जनामा कोरोना संक्रमण पुष्टि भएको जिल्ला स्वास्थ्य कार्यालय बैतडीले जानकारी दिएको छ । कोरोना देखिएका ७ जना दशरथचन्द नगरपालिकाका र एक जना दोगडाकेदारका हुन् । उनीहरु अहिले होम आइसोलेसनमा बसिरहेका छन् । सुदूरपश्चिम प्रदेश सरकारको सहयोगमा गत माघ २५ गतेदेखि भारतसँग जोडिएको बैतडीको सीमा नाका झुलाघाटमा हेल्थ डेस्क सञ्चालनमा आएको छ ।