पछिल्लो २४ घण्टामा थप २ हजार ४ जनामा कोरोना भाइरसको संक्रमण पुष्टि भएको छ। स्वास्थ्य जनसंख्या मन्त्रालयका अनुसार बिहीबार १४ हजार ६ सय ५० जनामा कोरोना परीक्षण गर्दा सो संख्यामा संक्रमित थपिएका हुन्।
पछिल्लो २४ घण्टामा १० हजार ६५८ जनाको पिसिआर र ३ हजार ९ सय ९२ जनाको एन्टिजेन परीक्षण गरिएको थियो। त्यस्तै, १ हजार ८ सय ४६ जना कोरोना संक्रमणबाट मुक्त भएका छन्।
यसको संक्रमणबाट थप १६ जनाले ज्यान गुमाएका छन्। योसँगै मृत्यु हुनेको संख्या १० हजार ७ सय ८६ पुगेको छ। हाल सक्रिय संक्रमित ३३ हजार ९ सय ४६ सय छन्। यसैगरी हालसम्म निको हुनेको दर ९४.२ प्रतिशत रहेको छ।
