ओमिक्रोनको जोखिम बढेसँगै बजारमा मास्कको व्यापार पनि बढेको छ । मास्कको अस्थिर मुल्य एकातिर छ भने कस्तो खालको लगाउने ? कस्तो मास्कले कसरी काम गर्छ भन्ने जिज्ञासा पनि रहेको छ ।
संक्रमित व्यक्तिले कस्तो मास्कको प्रयोग गर्ने अनि अरुले कस्तो मास्क प्रयोग गर्ने भन्ने कुरा जान्न आवश्यक हुन्छ । बजारमा धेरै खालका कपडाका मास्क उपलब्ध भए पनि काम गर्ने भनेको एन नाइन्टी फाइभ मास्क र मेडिकल तथा सर्जिकल मास्कले हो ।
मेडिकल तथा सर्जिकल मास्क कसले लगाउने ?
– विमानस्थलको हेल्थ डेक्समा खटिने कर्मचारीले
– रुघाखोकी लागेको व्यक्तिले
– श्वासप्रश्वास सम्बन्धी समस्या भएको व्यक्तिले
एन नाइन्टी फाइभ मास्क कसले लगाउनै पर्छ ?
– अस्पतालमा कार्यरत चिकित्सकले
– बिरामी कुरुवा र बिरामीको स्याहारसुसार गर्नेले
– कोरोना भाइरसको संक्रमण भएको व्यक्तिले
मास्क कसरी लगाउने ?
– जहिले पनि रंगीन भागबाहिर पारेर लगाउनुपर्छ
– चस्मा लगाउनेले माथितिर फु गर्दा चस्मामा बाफ नजाने गरी लगाउनुपर्छ
– मुखभन्दा तलबाट पनि मास्कमा हावा छिर्नु हुँदैन
– मुख र नाक दुवैमा राम्रोसँग फिट हुने गरी लगाउनुपर्छ
मास्क पाइएन भने के गर्ने ?
– सर्जिकल मास्क वा मेडिकल मास्क पाइएन भने संक्रमित व्यक्तिले खोक्दा, हाछ्युँ गर्दा रुमालले भए पनि नाक र मुख छोप्नुपर्छ
कोरोना भाइरसबाट कसरी बच्ने ?
– सबैभन्दा पहिला आफ्नो व्यक्तिगत स्वास्थ्यमा ध्यान दिने
– साबुन पानीले हात राम्रोसँग धुने
– घरबाहिर हातले खाना नखाने
– खानै परे हातमा स्यानेटाइजर लगाएर मात्रै खाने
– शौचालय गएपछि साबुनपानीले हात धुने
– बाहिरबाट घर आएलगत्तै राम्ररी हात धुने
– सम्भव भएसम्म मास्क लगाउने
– कसैसँग हात नमिलाउने, अङ्कमाल नगर्ने
– बाहिरको मान्छेसँग बोल्दा एक मिटर टाढाको दुरीमा बस्ने
– माछा, मासु राम्रोसँग पकाएर खाने
– सकेसम्म काँचो फलफुल नखाने
– घाममा बस्ने
घरबाहिर निस्किदा के गर्ने ?
– नेपालमा कोरोना भाइरसको संक्रमण नफैलिएकोले सार्वजनिक गाडीमा हिँड्दा डराउनु पर्दैन
– घरबाहिर निस्किदा मास्क लगाउने
– बिहेको मौसम भए पनि धेरै भिडभाड नगर्ने, भोजभतेर नगर्ने
– जमघट हुने कार्यक्रम, सभा र सम्मेलन नगर्ने
– विदेशबाट आएको व्यक्तिमा विमानस्थलमा कुनै लक्षण नदेखिए पनि १४ दिनभित्र रुघाखोकी लाग्न सक्छ, रुघाखोकी लागे नआत्तिइकन अस्पताल जाने
( सरुवा रोग विशेषज्ञ डाक्टर शेरबहादुर पुन र डाक्टर सागर राजभण्डारीसँग विना न्यौपानेले गरेको कुराकानीमा आधारित )
