काठमाडौं –‘मारुनी’ शुक्रबारबाट प्रदर्शनमा आएको फिल्म हो । फिल्मले शुक्रबार भन्दा शनिबार राम्रो ब्यवसाय गरेको निर्माण पक्षले जनाएको छ ।
‘फिल्मले शनिबार देशभर नै राम्रो ब्यवसाय गरेको छ’ निर्माता पुनम क्षेत्री गौतमले भनिन् ‘ शनिबार काठमाडौको सबै हलमा दर्शक देखिए ।’ उनले थपिन् ‘गोपिकृष्ण हलमा फिल्ममा भने दर्शक भरिभराउ थियो ।’
शनिबार दर्शक प्रतिक्रिया बुझ्न अभिनेत्री साम्राज्ञी राज्यलक्ष्मी शाह, अभिनेता पुष्प खड्का, अभिनेत्री रेविका गुरुङ, निर्मात्री पूनम गौतम, निर्देशक नवल नेपाल लगायतको टोली गोपिकृष्ण हलमा पुगेको थियो । सोही क्रममा दर्शकबाट साम्राज्ञीलाई जोगाउन निर्माण युनिटलाई हम्बेहम्बे पर्यो ।
सोही क्रममा दर्शकले अभिनयको तारिफ गर्दै साम्राज्ञीसँग सेल्फि खिचाउन तछाड मछाड गरेका थिए । साम्राज्ञी गोपीकृष्ण हलमा ४ बढीगाडको सुरक्षा सहित पुगेकी थिइन् ।
उक्त अवसरमा साम्राज्ञी, अभिनेता पुष्प खड्काले दर्शकको माया पाउदा निकै खुसी लागेको प्रतिक्रिया दिए ।
निर्मात्री पूनम गौतमले शनिबारको ब्यवसायबाट आफु उत्साहित भएको बताइन् । वर्ड अफ माउथ पब्लििसिटीले आइतबारबाट अझ दर्शक बढ्ने उनले बिश्वास ब्यक्त गरिन् ।
दर्शकले फिल्मको कथावस्तु, प्रस्तुति, क्लाइमेक्सको दृश्य र सस्पेन्स पाटोलाई मन पराएको उनको भनाई रहेको छ ।
