ग्लोबल आइकन प्रियंका चोपडा र निक जोनस बलिउडमा मात्र नभएर हलिउडमा पनि चर्चामा छिन् । यी दुईको चर्चा भइरहन्छ ।
दुवै एकअर्काको प्रेममा डुबेका छन् । तर, प्रियंकाले निकसँग मिलेर गर्न मन नपराउने एउटा काम छ ।
प्रियंका चोपडाले हालै एक च्याट शो मा यसबारेमा खुलासा गरिन् । उनले निक जोनससँग व्यावसायिक रुपमा कुनै पनि गीत गाउन नचाहेको बताइन् ।
संगीतको शोखिन प्रियंका कैयनपटक निक जोनसको गीत गाएको अवस्थामा देखिन्छिन् तर उनी व्यावसायिक रुपमा भने निकको गीतमा देखिन चाहँदिनन् ।
च्याट शोमा कुराकानी गर्दै प्रियंकाले आफूलाई संगीत खुबै मन पर्ने तर यो क्षेत्रका बारेमा खासै थाहा नभएकाले गीत गाउन नचाहेको बताइन् ।
प्रियंकाले भनिन् – निकले आफै गीत गाउँछन् । आफै लेख्छन् । कम्पोज पनि आफै गर्छन् ।
प्रियंकाले सुनाइन् कि, निकले हरेक बिहान उनका लागि विशेष प्रस्तुति दिने गर्छन् । प्रियंकाका लागि भनेर निकले पियानोमा गीत गाउने गर्छन् ।
