राष्ट्रिय

झापाका पेट्रोल पम्पहरूमा श्रृंखलाबद्ध चोरी, घटनामा संलग्न तामाङ पक्राउ


  काठमाडौं   सवाल नेपाल   २०७९ असार २०, सोमबार ०६:५४

झापा । झापाका पेट्रोल पम्पहरूमा हुने श्रृंखलाबद्ध चोरी घटनामा संलग्न एक जना पक्राउ परेका छन् । पक्राउ पर्नेमा सङ्खुवासभा जिल्ला मकालु गाउँपालिका- ३ घर भई हाल झापाको बिर्तामोड नगरपालिका- १ मा बसोबास गर्ने ३५ वर्षीय देवराज तामाङ रहेको प्रहरी कार्यालय झापाका एसपी विश्वमणि पोखरेलले जानकारी दिए ।
पूर्व-पश्चिम राजमार्गसँग जोडिएका विभिन्न पेट्रोल पम्प र सिमेन्ट उद्योगबाट लाखौँ रकम चोरी गरेको आरोप तामाङलाई पक्राउ गरिएको इलाका प्रहरी कार्यालय अनारमनिमा आज (आइतबार) आयोजित पत्रकार सम्मेलनमा एसपी पोखरेलले जानकारी दिए ।

प्रहरीका अनुसार असार १७ गते राती अन्दाजी साढे १० बजेको समयमा मेचीनगर १३ तेलीवारीस्थित मेट्रो ट्रेडिङ हाउसको पेट्रोल पम्पको भुईँ तलामा आवाज आएपछि पम्पका ट्याङ्कर चालक इलाम नगरपालिका ९ का २५ वर्षीय किरण दाहाल र उनका साथीहरू समीर मिश्र र देवेन्द्र चौहान आवाज आएको स्थानमा हेर्न पुगे । चोरी गर्न त्यहाँ पुगेका तामाङ फलामको औजार डाई ९रड०, पेच कस लिई पेट्रोल पम्पको काउन्टरको झ्याल फोर्दै गरेको अवस्थामा उनीहरूले फेला पारे । त्यसपछि चोर तामाङलाई पक्राउ गर्न खोज्दा उनले उल्टै उनीहरूमा रड प्रहार गरे । रड प्रहारबाट समीर मिश्र घाइते भएका थिए । सोही क्रममा उनीहरूले नै प्रहरीको सहयोगमा तामाङलाई पक्राउ गरेको हो ।

पक्राउ परेका तामाङलाई इलाका प्रहरी कार्यालय धुलाबारीमा राखेर चोरी तथा ज्यान मार्ने उद्योग कसुर मुद्दामा अनुसन्धान अघि बढाएको एसपी पोखरेलले बताए । तामाङले असार ५ गते राती मेचीनगर ७ मदनबस्ती स्थित सनईराज सिमेन्ट प्रा।लिको दुई तला भएको पक्की अफिस भवनको भुईँ तलाको कोठाको ताला तोडेर एक लाख पचास हजार चोरी गरेका थिए । त्यस्तै सोही राती नै मेचीनगर ७ टोलस्थित राधाकृष्ण ईण्डष्ट्रिज चामल मिलको अफिस कोठाको अगाडीको झ्यालको ग्रिल तोडफोड गरी दुई वटा सिसी क्यामेराको तार चुँडाई अफिसको टेबलको घर्राको लक फोडेर नगद ४२ हजार र मेचीनगर ७ ईटाभट्टा स्थित प्रनिक आयल स्टोरको अगाडी काउन्टरको झ्यालको ग्रिल तोडफोड गरी टेबलको लक्करबाट ६ लाख रुपैयाँ चोरी गरेका थिए ।

त्यसैगरी उनले असार ११ गते राती १० बजे बिर्तामोड नगरपालिका २ स्थित आसमा ट्रेडर्स एन्ड सप्लायस ९पेट्रोल पम्प० को ढोका फुटाएर भित्रबाट रु ७ लाख ३६ हजार ८९६ रुपैयाँ र सोही राती झापा कनकाई नगरपालिका ७ दुर्गापुर स्थितमा गरमकाली पेट्रोल पम्पबाट १५ हजार चोरी गरेका थिए । गत जेठ ३१ गते राती कमल गाउँपालिका ५ स्थित गीता पेट्रोल पम्पको ढोका फुटाएर नगद ५ लाख रुपैयाँ समेत उनले चोरी गरेको प्रहरी समक्ष बयान दिएका छन् । टाइम्स अफ प्रदेश बाट

फेसबुकमा तपाईको प्रतिक्रिया

थप समाचार