झापा । झापा- २ मा ६५ दशमलव ५५ प्रतिशत मत खसेको छ । जिल्ला निर्वाचन कार्यालय झापाका अनुसार झापा- २ मा ६६ हजार ६५७ पुरुष, ६७ हजार ४२९ महिला र अन्य ५ गरी १ लाख ३४ हजार ०९१ मतदाता रहेकोमा ६५ दशमलव ५५ प्रतिशत मत खसेको हो । झापा २ मा ४९ मतदान स्थलमा १५२ मतदान केन्द्र रहेको छ ।

झापा- २ मा प्रतिनिधिसभा सदस्यतर्फ नेकपा एमालेका देवराज घिमिरे, गठबन्धनका हरि राणा र स्वतन्त्र उम्मेदवार स्वागत नेपाल प्रतिस्पर्धामा छन् । अहिले निर्वाचन अधिकृतको कार्यालय रहेको अर्जुनधारा नगरपालिकामा मतपेटिका सङ्कलनको काम भइरहेको निर्वाचन कार्यालय झापाले जनाएको छ ।