काठमाडौं – चलचित्र ‘रणवीर’को फस्टलुक सार्वजनिक गरिएको छ । फस्ट लुकको रुपमा चलचित्रको ‘मोसन पोस्टर’ सार्वजनिक गरिएको हो ।
निर्माण युनिटले चलचित्रको रिलिज मिति १८ माघ घोषणा गर्दै चलचित्रको फस्टलुक सार्वजनिक गरेको हो ।
मोसन पोस्टरसँगै चलचित्रको टिजर समेत बाहिर ल्याइएको छ । टिजरमा सुशील सिटौला र प्रशान्त ताम्राकार बीचको भिएफएक्स मार्फत द्वन्द्व देखाइएको छ ।
गोविन्द सिंह भण्डारीको निर्देशन चलचित्रमा रहेको छ । चलचित्र एक्सन प्रधान कथावस्तुमा आधारित रहेको निर्देशक सिंहले बताए ।
रणवीरको निर्माण दीपेन्द्र रेग्मी र गोमा बिष्टले मिलेर गरेका हुन् ।
सुशिल सिटौला, प्रशान्त ताम्राकारसँगै यो चलचित्रमा शुभेच्छा खड्का, शुपुष्प भट्ट, टीक पहारी, हरिहर शर्मा, भोलाराज सापकोटा, जीवन भट्टराई, नरेश पौडेल, रबी गिरी, जगदिश रिजालसहितको अभिनय छ ।
