बलिउडका नवविवाहित जोडी रणबीर सिंह र दीपिका पादुकोण आइतबार बिहान मुम्बई फर्किएका छन् । यी दुई बिहान ८ बजे एयरपोर्ट पुग्ने खबर सार्वजनिक भएपछि बिहान ६ बजेदेखि नै यी दुईलाई हेर्न बिहान ६ बजेदेखि उनीहरुको प्रतिक्षा गरिरहेका थिए ।
एयरपोर्ट भित्र दीपिका साधारण देखिएकी थिइन् तर बाहिर आउनेबित्तिकै उनको लुक परिवर्तन भयो । सिल्क कुर्ता र रातो रङको भारी सल ओढेकी दीपिकाले सिन्दुर र चुरा लगाएकी थिइन् ।
उनीहरुलाई हेर्न एयरपोर्टमा पुगेका प्रशंसकलाई रणबीरले हात हल्लाएर धन्यवाद दिए ।
रणबीर सिंह भने सेतो कुर्ता र गुलाबी रङको ज्याकेटमा देखिएका थिए ।
यी दुईको इटलीको लेक कोमोमा १४–१५ नोभेम्बरमा विवाह भएको हो ।
