दीपिका पादुकोण र रणबीर सिंहको विवाहपछि अब बलिउड प्रियंका चोपडा र निक जोनसको विवाह कुरिरहेको छ ।
विवाहित सेलिब्रिटीको सूचीमा अब राखी सावन्त पनि पर्ने भएकी छिन् । उनले दिपक कलालसँग विवाह गर्ने बताइएको छ । ‘कन्ट्रोभर्सी क्विन’ को नामले परिचित राखीले आफ्नो विवाहको निम्तो कार्ड बुधबार सोसल मिडियामा सार्वजनिक गरेकी छिन् ।
यी दुईले नयाँ वर्षको पूर्व सन्ध्या अर्थात् डिसेम्बर ३१ तारिखमा लस एन्जलसमा विवाह गर्ने बताइएको छ ।
उनको विवाह कार्डमा लेखिएको छ, ‘प्रेम गर्ने दुई मुटु एक हुँदैछ र सधैंका लागि प्रेममा रहिरहन बचनबद्ध छ !’
राखीले कार्ड सेयर गर्दै क्याप्सनमा बेहुला बेहुलीको इमोटिकन प्रयोग गरेकी छिन् । उक्त पोष्टमा राखीलाई धेरैले बधाई र आशिर्वाद दिएका छन् । दिपकले पनि आफ्नो इन्स्टाग्राम अकाउन्टमा उक्त कार्ड पोस्ट गरेका छन् ।
एजेन्सी
