संजय दत्तको सुपरहिट फिल्म ‘मुन्नाभाइ एमबीबीएस’ सिरिजको तेस्रो फिल्म आउने चर्चा चलिरहेको छ । फिल्ममा ‘सर्किट’ को भूमिका निभाउने अरशद वारसीले पनि फिल्मको स्क्रिप्टमाथि काम भइरहेको पुष्टि गरेका थिए । तर फिल्मसँग जोडिएका एक नायक विगत तीन वर्षदेखि गायब भइरहेको खबर सार्वजनिक भएको छ ।
फिल्ममा सहयोगी भूमिकामा देखिएका विशाल ठक्कर कहाँ छन्, त्यसबारे कसैलाई पनि थाहा छैन । विशालले फिल्ममा एउटा यस्ता युवकको भूमिका निभाएका थिए जसले आत्महत्या गर्ने कोसिस गर्छन् ।
रिपोर्टका अनुसार विशाल जनवरी २०१६ देखि गायब छन् । उनले ३१ डिसेम्बर २०१५ मा आफ्नी आमासँग फिल्म हेर्नका लागि पाँच सय भारु लिएका थिए । उनले आमालाई पनि ‘सँगै जाऔं’ भनेका थिए तर आमाले केही काम देखाउँदै जान अस्विकार गरिन् । त्यही राती विशालले आफ्ना बुवालाई मेसेज पठाएर आफू एक पार्टीमा जान लागेको र भोलिपल्ट मात्रै घर फर्कने जानकारी दिएका थिए ।
पुलिसका अनुसार आफ्नो आमा–बुवासँग मुलुन्डमा बस्ने विशाललाई अन्तिम पटक १ जनवरी २०१६ को बिहान ११ः४५ मा प्रेमिकासँग गोदबन्दर रोड, थाणेमा देखिएको थियो । उनी एक सुटिङका लागि अँधेरी जाँदै थिए । उनी गायब भएपछि न नै फिरौतीका लागि फोन आयो न नै उनको बैंक अकाउन्टबाट पैसा निकालियो । अहिलेसम्म पुसिलले विशालबारे कुनै जानकारी पत्ता लगाउन सकेको छैन न नै प्रेमिकासँग सोधपुछ पछि कुनै निष्कर्ष नै निकाल्न सकेको छ ।
