नेपाल चलचित्र संघको पूर्वाञ्चलमा भवन बन्ने भएको छ । आज आइतवार एक कार्यक्रमबीच सुनसरीको इटहरीमा भवनको शिलन्यास गरिएको हो । संघका पूर्वाञ्चल सभापति तथा पाथिभरा चलचित्र मन्दिरका सञ्चालक चैतन्य बरालका अनुसार चलचित्र संघको पूर्वाञ्चल भेला र भवनको शिलन्यास भएको हो ।

नेपाल चलचित्र संघका पूर्व अध्यक्ष राजकुमार पोखरेलको प्रमुख आतिथ्यमा भएको कार्यक्रममा बर्तमान अध्यक्ष प्रदिपकुमार उदय लगायतका पूर्वका हल संञ्चालक तथा बितरकहरुको सहभागिता रहेको थियो । पोखरेल,उदय र बरालले संयुक्त रुपमा भवनको शिलन्यास गरेका थिए ।

संघको कार्यालयलाइ ब्यवस्थित गर्नका लागि आफ्नै भवन आवश्यक रहेकाले निर्माण शुरु गरिएको र यसमा सबैको सहयोग तथा साथ पाइनेमा आशाबादी रहेको पूर्वाञ्चल सभापति बरालले जनाएकाछन् । उनले आज भएको छलफलमा चलचित्रका बिभिन्न समस्या र अवसरका बिषयमा छलफल भएको पनि जनाए ।