लम्फूको गीतमा यस्तो देखिइन् 'तरकारीवाली' [भिडियो]

काठमाडौं– नेपाली फिल्म ‘लम्फू’को पहिलो गीत ‘सँगै जिउने सँगै मर्ने' सार्वजनिक भएको छ।

आउँदो बैसाख २८ मा प्रदर्शन तयारीमा रहेको फिल्मले सोमबार फिल्मको भिडियो सार्वजनिक गरेको हो।

सार्वजनिक भिडियोमा फिल्मका मुख्य कलाकारहरु कबिर खड्का र मरिष्का पोखरेलको साथमा तरकारीवालीको नामले चर्चित कुशुम श्रेष्ठ पनि छिन्। त्यस्तै, अन्य कलाकारहरु चाँदनी शर्मा र सञ्जित भण्डारी पनि यो भिडियोमा सामेल छन्।

प्रेम साटासाट गरेको भाव व्यक्त हुने भिडियोका कोरियोग्राफर रामजी लामिछाने हुन्। गीतमा अर्जुन पोखरेलको संगीत तथा सुरेश लामा र अप्सरा घिमिरेको स्वर रहेको छ।