काठमाडौं, २६ चैत– सलमान खान जेठ १२ गते नेपाल आउने भएका छन् ।
अघिल्लो महिना नेपालमा आयोजना हुने भनिएको टुर क्यान्सिल भएपछि खानको नयाँ भ्रमण मिति तय भएको हो ।
केही दिन पहिला २० वर्ष पुरानो मुद्दामा पाँच वर्ष जेल सजाय पाएका सलमान शनिवार धरौटीमा रिहा भएका थिए । उनी जेलबाट छुटेलगत्तै नेपाल आउने कार्यक्रम तय भएको हो ।
दबंग द टुर नाम दिएर आयोजना गर्न लागिएको कार्यक्रम नेपालस्थित ओडीसी इन्टरनेशनले गर्न लागेको हो । गत फागनु २६ मा शो गर्ने तयारी गरिएको भए पनि विप्लव नेतृत्वको कम्युनिष्ट पार्टीले विरोध गरेपछि स्थगित भएको थियो ।
ओडीसी इन्टरटेनमेन्टलाई भारतको जेए इभेन्ट्से पत्र पठाउँदै २६ मे –जेठ १२)मा सलमान नेपाल आउने जानकारी गराएको हो ।
सलमानसँगै भारतीय कलाकार सोनाक्षी सिन्हा, प्रभु देवा, दिशा साहा, मनिष पल लगायत आउने भएका छन् ।
