पिसाबको रंग शरीरको अवस्था अनुसार फरक फरक हुन्छ । त्यसैले शरीरमा भएको रोगलाई पिसाबको रंगले संकेत गरिरहेको हुन्छ । कस्तो रंगको पिसाबले कस्तो समस्याको संकेत गर्छ हेरौं-
रंगहिन पिसाब
तपाईको पिसाबमा कुनै पनि रंग देखिदैन र पानी जस्तै छ भने तपाईको शरीरलाई आश्यकताभन्दा बढी पानी पीउनु भएको छ । एकैपटक धेरै पानी पिउँदा मिर्गौलाले रगत छान्न पाउँदैन र रगतमा समस्या हुन्छ ।
फिँजयुक्त पिसाब
खानामा प्रोटिनको मात्रा बढी भएमा पिसाबमा फिँज बढी देखिन्छ । तर पिसाबमा नियमित फिँज देखिएमा चिकित्सकको सल्लाह लिनुपर्छ ।
गाढा पहेंलो वा सुन्तला रंग
गाढा पहेँलो रंगको पिसाब आउनु भनेको शरीरमा पानीको मात्रामा कमि हुनु हो ।
फिक्का गुलाबी
ऐसेलु वा काफल नखाएको अवस्थामा पनि तपाईको पिसाब फिक्का गुलाबी रंगको छ भने तपाईको पिसाबमा रगत आएको हुनसक्छ । फिक्का गुलाबी रंगको पिसाब आउनु मिर्गौला सम्बन्धि समस्याको संकेत हुन सक्छ । यदि फिक्का गुलाबी रंगको पिसाब आएमा तुरुन्त स्वास्थ्यजाँच गराउनुस् ।
हरियो अथवा निलो रंग
हरियो वा निलो रंगको पिसाब आउनु ब्याक्टेरियल इन्फेक्सनको संकेत हुनसक्छ । नियमित औषधि प्रयोग गर्ने व्यक्तिमा पनि हरियो वा निलो रंगको पिसाब आउन सक्छ ।
