तत्कालीन प्रधानन्यायाधीश कल्याण श्रेष्ठको ‘फिला चिर्ने’ धम्की दिएको भन्दै बालकृष्ण ढुंगेललाई सात दिनभित्र गिरफ्तार गर्न प्रहरीलाई आदेश

सर्वोच्च अदालतले नेकपा माओवादी केन्द्रका नेता बालकृष्ण ढुंगेललाई सात दिनभित्र गिरफ्तार गर्न प्रहरीलाई आदेश दिएको छ । न्ययायाधीश आनन्दमोहन भट्टराईको एकल इजलासले बुधबार त्यस्तो आदेश दिएको हो ।  माओवादी जनयुद्धका बेला ओखलढुंगाका उज्जनकुमार श्रेष्ठको हत्या अभियोगमा सर्वश्वसहित जन्मकैद फैसला सुनाएपछि तत्कालीन प्रधानन्यायाधीश कल्याण श्रेष्ठको ‘फिला चिर्ने’ धम्की दिएको भन्दै अधिवक्ता दिनेश त्रिपाठीले दायर गरेको रिटमा त्यस्तो आदेश भएको हो । फैसलामा ढुंगेललाई पक्राउ गरी जेलमा थुनेपपछि बाँकी कारबाही बढ्ने आदेशमा उल्लेख छ । सर्वोच्चले ढुंगेललाई २०६६ पुस १९ गते सर्वस्वसहित जन्मकैदको फैसला सुनाएको थियो ।