मैले जे देखे त्यहि लेखे

बिष्णुप्रसाद पोखरेल

झापाको दमकमा आएर अभिनन्दन थापेपछि बिद्यूत प्राधिकरणका कार्यकारी प्रमुख कुलमान घिसिङ र उर्जामन्त्री जनार्दन शर्माले एकमुखले भनेका थिए अब झापाको दमक र लखनपुर साथै पूर्वी नेपालमा नै केहिदिन भित्रै लोडसेडिङमुक्त हुन्छ । त्यतिमात्र होइन उनिहरुले हाल कमल गाँउपालिका र साविक लखनपुरको सव स्टेशनमा गएर बुझ्दा लोडसेडिङ नै नहुनु पर्ने अवस्था रहेको पाएको र तत्काल यस बिषयमा गम्भिर भएर लोडसेडिङ नगर्न निर्देशन दिएका पनि बताए ।

लोडसेडिङमुक्त घोषणा गर्दै मन्त्री शर्मा

एकसातासम्म त लोडसेडिङ पनि भएन । समचार पनि मज्जाले बन्यो । तर एकसातापछि फेरी शुरु भयो लोडसेडिङ । अझै पनि लोडसेडिङमुक्त हटेको छैन । दूइ महिना बित्न लागिसक्यो । आखिर कहाँबाट कमजोरी भइरहेका छ ? कसरी यस्तो भइरहेको छ ?

मन्त्रीले र बिद्यूत प्राधिकरणका कार्यकारीप्रमुखले नै भनेको कुरा किन लागू भइरहेको छैन ? यो यहाँका जिम्मवार राजनीतिक दल लगायतका सरोकारवाला निकायहरुले ध्यान दिनु पर्दैन र ? अब यो प्रश्न मन्त्री र कार्यकारी प्रमुखलाइ पुर्याउनु पर्दैन ? उनिहरु त ढुक्क होलान यहाँ लोडसेडिङमुक्त छ । जनता उज्यालोमा छन् । तर यहाँका जनताले लोडसेडिङमुक्तको अनूभूति पाएका छैनन् । लोडसेडिङमुक्त त हावादारी गफ मात्र भएको छ ।