प्रधानमन्त्री पुष्पकमल दाहाल ‘प्रचण्ड’ले राजिनामा दिने की संसद बिघठन गर्ने भन्ने बिषयमा परामर्श शुरु गरेको बताईएको छ । बालुवाटार श्रोतका अनुसार पूर्व सहमति अनुसार काँग्रेस सभापति शेरबहादुर देउवालाइ सत्ता सुम्पनका लागि भनेर राजिनामा गर्ने या संसद बिघठन गर्ने भन्ने बिषयमा छलफल गरिरहेको श्रोतको भनाई रहेको छ । यद्यपि यसको औपचारिक रुपमा पुष्टि भने भइसकेको छैन । संसद बिघठन गरेर अघि बढ्दा आफूले निर्वाचन गराउने अवसर पाउने र महाअभियोग प्रस्ताव पनि ढिसमिस हुने कतिपय उनका निकटस्थहरुले सल्लाह दिएको श्रोतको भनाइ छ । सरकारको समर्थन गरेको राप्रपाले सरकारबाट हात झिकेको र बिजयकुमार गच्छदारले पनि हात झिक्ने अवस्था आएपछि संसद बिघठनको प्रवल सम्भावाना रहेको छ । प्रचण्डले संसद बिघठन या राजिनामा के रोज्लान ? भनेर अहिले राजनीतिक माहोल तातेको छ ।