बिष्णुप्रसाद पोखरेल
दमक/झापा दमकको झापा इङ्लिस बोर्डिङ स्कूलले निर्वाचन सम्बन्धिको ज्ञान बिद्यार्थीलाइ प्रदान नएका लागि निर्वाचनका सबै बिधि र प्रक्रिया अपनाएर क्याम्टेन र उपक्याप्टेनको निर्वाचन गराएको छ । स्थानीय तहको निर्वाचन नजिकिदै गरेकाले बिद्यार्थीहरुलाई निर्वाचन सम्बन्धिको ज्ञान प्रदान गर्न मिनि निर्वाचन नै बिद्यालय गराएको हो ।
यसले अभिभावकसम्म समेत चेतना पुग्ने भएकाले लामो प्रयास र निक्कै ब्यवस्थापनका साथ निर्वाचन गराएको हो । ४ सयभन्दा बढि बिद्यार्थीहरुले २ जना क्याप्टेन र २ जना उपक्याप्टेन छान्नका लागि निर्वाचनमा सहभागिता जनाएका थिए । बिद्यालयका संस्थापक प्रिन्सिपल सागर श्रेष्ठका अनुसार स्थानीय तह निर्वाचनमा निर्वाचन आयोगले जसरी निर्वाचनको बिधि र प्रक्रिया अपनाएको छ सबै त्यस्तै नै गरिएको हो ।
निर्वाचन मूख्य अधिकृत र अधिकृतहरु शिक्षकहरु तोकिएका थिए । उनिहरु मतदाता नामवली प्रकाशन, अन्तिम मतदाता नामवली प्रकाशन, उम्मेदवारी दर्ता, दाबी बिरोध, उम्मेदवारी फिर्ता र अन्तिम पटक उम्मेदवारहरुको नामवली प्रकाशन समेत गरेको थियो भने मतदाता परिचयपत्र पनि बितरण भएको थियो ।
कक्षा १० का सामाजिक अध्ययनमा रहेको निर्वाचन सम्बन्धिको बिषयबस्तुलाइ बिद्यार्थीहरुमाझ प्रयोगात्मक गराउने र स्थानीय तहको निर्वाचनको बिषयमा बिद्यार्थीहरु मार्फत अभिभावकसम्म पुर्याउनका लागि निर्वाचनका सबै बिधि अपनाईएको श्रेष्ठले जानकारी गराएकाछन् । मतपत्र बनाउने, मत पेटिका बनाउने, बिद्यार्थीहरुबाटै सुरक्षाकर्मीहरु परिचालन देखि लिएर पर्यवेक्षकहरुसम्म राखिएको थियो । उम्मेदवारका एजेन्टहरु पनि तोकिएका थिए ।
लाइन लागेर ४ सयजनाले बिहान ११ बजेदेखि दिउसो ३ बजेसम्म मतदान गरेका थिए । करिब ९१ प्रतिशत मत खसेको बतार्ईएको छ । मतदान भइसकेपछि उम्मेदवारका एजेन्टहरु बसेर लाहछाप लगाएर सुरक्षाकर्मीहरुको कडा सुरक्षाघेराबाट मतगणना स्थल लगिएको थियो । आचारसंहिता बनाएर करिब २ घण्टा मतगणा गरेर मतपरिणाम सार्वजनिक भएपछि बिजेताहरुलाइ फूलमाला लगाइदिएर सपथ गराईएको श्रेष्ठले जानकारी दिए ।
क्याप्टेनमा छात्रा तर्फबाट रुषा खड्का, सरिना राइ, कृति धिमालबीच भएको तिब्र प्रतिस्पर्धामा सरिना राइ निर्वाचित भएकीछन् । यसैगरी छात्र तर्फबाट अन्जर अन्सारी र लाक्पा लामाको प्रतिस्पर्धामा अन्जर अन्सारी बिजयी भएकाछन् । उपक्याप्टेनमा ४ जना छात्र र २ जना छात्रा गरेर ६ जनाले उम्मेदवारी दिएका थिए । छात्रातर्फबाट सेलिया श्रेष्ठ र प्रनुषा पाण्डेबीच भएको चुनावी प्रतिस्पर्धामा सेलिया श्रेष्ठ बिजयी भएकीछन् । छात्र तर्फ अंकित खनाल, आर्यन थापा, नेहाल गजमेर र आलोक गौतमबीच उपप्रमुखमा प्रतिस्पर्धा भएकोमा आलोक गौतम बिजयी भएकाछन् ।
बिद्यालयका संस्थापक जयबहादुर श्रेष्ठका अनुसार बिद्यार्थीहरुले मतपत्रमा मत हाल्ने तरिका, बदर हुन नदिने उपाय लगायत निर्वाचनका प्रक्रिया र बिधिको बिषयमा अभिभावकहरुलाइ गएर बताउने भएकाले यसबाट स्थानीय तहको निर्वाचनमा मतदाता शिक्षा पनि हुने बिश्वास लिइएको बताए । दूइदशकदेखि निर्वाचन नभएकाले अहिलेको पुस्तालाई निर्वाचनको प्रयोगात्मक गरेर देखाइएको उनको भनाइ छ । यसबाट बिद्यार्थीहरुले निर्वाचन सम्बन्धि धेरै ज्ञान लिएको उनले जनाए ।