केबि महरा/काठमाडौ : पुर्व प्रधानमन्त्री बाबुराम भट्टराईले ठुला भ्रष्टाचारको निष्पक्ष छानबिनका लागि उच्चस्तरीय समिती गठनको माग गरेका छन् । केहिदिन अघि पुर्व प्रधानमन्त्री भट्टराईले सार्वजनिक रुपमै बुढिगण्डकी आयोजना सम्झौतामा नेपाली कांङ्ग्रेसका सभापति शेरबहादुर देउवा,नेकपा अध्यक्ष तथा प्रधानमन्त्री केपि शर्मा ओलि तथा अर्का अध्यक्ष प्रचण्डले अर्बौँ भ्रष्टाचार गरेको र उक्त घोटालाको आफुसङ्ग प्रमाण समेत रहेको बताएका थिए ।साथै उच्चस्तरीय छानबिन गरेमा आफुले आवस्यक प्रमाण समेत दिएर सहयोग गर्ने भनी अभिव्यक्ति दिएका थिए । उक्त भनाईको खण्डन तथा सरकार र पार्टी अध्यक्ष द्वय केपि शर्मा ओलि तथा पुस्पकमल दाहाल प्रचण्ड को बचाउ गर्दै नेकपा प्रवक्ता नारायणकाजी श्रेष्ठ द्वारा जारी गरिएको बिज्ञप्तिमा सस्तो लोकप्रियताका लागि सरकारको बदनाम नगर्न र संबंधित निकायमा उजुरि गर्न सुझाईएको थियो । जवाफ स्वरुप पुर्व प्रम भट्टराईले सबैखाले ठुला भ्रष्टाचारको छानबिनको लागि उच्चस्तरीय लोकपाल गठन गर्न माग गरेका छन्। साथै नेकपा प्रवक्ता नारायणकाजी श्रेष्ठको बक्तव्य प्रती संकेत गर्दै "जस्केलाबाट छिर्नेहरुले सत्ताको तुजुक नदेखाउ" भनेका छन् ।