काठमाडौं। पूर्व प्रधानमन्त्री तथा नेपाल कम्युनिष्ट पार्टी नेकपाका बरिष्ठ नेता माधव कुमार नेपालले कोरोना संक्रमितको निःशुल्क उपचार नगर्ने निर्णय तत्काल फिर्ता लिन सरकारसँग माग गर्नुभएको छ ।
कम्युनिष्ट पार्टी नेतृत्वको सरकारले कोरोना संक्रमितको निःशुल्क उपचार नगर्ने निर्णय गर्नु आफैंमा आपत्तिजनक भएको नेता नेपालको भनाई छ । नेता नेपालले विज्ञप्ति जारी गर्दै यस्तो आपत्ति जनाउनु भएको हो । उहाँले सरकारको गैर जिम्मेवारीपूर्ण निर्णय तत्काल फिर्ता लिन पनि माग गर्नुभएको छ ।
कोरोना माहामरीका बेला नागरिकको आडभरोसाको केन्द्र बन्नुपर्ने सरकारले निःशुल्क उपचार नगर्ने निर्णय गरेर गैर जिम्मेवारीपन देखाएको आरोप उहाँको छ ।
