काठमाडौं । दीपेन्द्र के.खनालको निर्देशन रहने फिल्म ‘चिसो मान्छे’को सुटिङ फागुनमा हुने भएको छ । निर्देशक खनालले फिल्मको सुटिङ फागुन गर्ने जानकारी दिएका छन् ।
‘सबैक्षेत्र नियमित काममा फर्किए पनि हाम्रो फिल्म क्षेत्र अझै फर्कन सकेको छैन’ निर्देशक खनालले भने ‘आगामि फागुनसम्म अहिलेको अवस्था केही सहज हुन्छ होला । फिल्मको सुटिङ फागुन मै गर्ने बिचारमा रहेको छु ।’
अभिनेता अर्पण थापा र अभिनेत्री स्वस्तिमा खड्काको मुख्य भुमिका रहेको फिल्म शर्मिला पाण्डेले निर्माण गर्न लागेकी हुन् । मानिसहरुमा देखिएको नैराश्यताको कथामा बन्न लागेको फिल्मको लेखन समेत निर्देशक खनालकै रहेको छ ।
फिल्मको छायाँकन पनि निर्देशन दीपेन्द्र आफैंले गर्दैछन् । यस अगाडिको सुपरहिट फिल्म ‘आमा’ समेत दीपेन्द्रले छायाँकन निर्देशन गरेका थिए ।
२०७८ साल भदौ ११ गते प्रदर्शन मिति तोकिएको फिल्मको छायांकन सुदूरपश्चिमका विभिन्न ठाउँमा हुने बताइएको छ ।
