जाजरकोट – कर्णाली प्रदेश अर्थ तथा प्राकृतिक स्रोत समितिका सभापति चढ्ने गाडी गए राति अज्ञात समूहले आगजनी गरेको छ ।
जाजरकोट (क) निर्वाचित प्रदेशसभा सदस्य एवं सभापति गणेशप्रसाद सिंह चढ्दै आएको कर्णाली प्रदेश ०२००१झ००४० नं को उक्त गाडी भेरी नगरपालिका–७ पुनमा गए राति अन्दाजी १० बजेको समयमा अज्ञात समूहले पेट्रोल छर्केर आगजनी गरेको हो ।
विज्ञापन (ADVERTISEMENT)
प्रदेशका योजना अनुगमन गर्न गएका सिंहको गाडी अज्ञात समूहले जलाएको जिल्ला प्रहरी कार्यालय जाजरकोटले जनाएको छ । आगजनीबाट गाडी पूर्ण रुपमा जलेको छ । यस विषयमा थप अनुसन्धान भइरहेको प्रहरीले जनाएको छ ।
