चुनाव मात्र होइन, संविधान र लोकतान्त्रिक प्रणाली मुख्य कुरा हुन् :पुष्पकमल प्रचण्ड को भनाई

काठमाडौं- नेपाल कम्युनिस्ट पार्टी (नेकपा)का अध्यक्ष पुष्पकमल दाहाल 'प्रचण्ड'ले  अदालतबाट प्रतिनिधि सभा पुन:स्थापना हुन्छ या हुँदैन भन्ने बहसमा जान नचाहेको बताएका छन्। बुधबार बिहान सम्पादकहरूसँगको छलफलमा सोधिएको प्रश्नमा उनले भने, 'संविधान र लोकतान्त्रिक प्रक्रिया मिचिएको छ, हामी यो बहसलाई अदालतले के गर्ला भन्नेतिर लैजान चाहन्नौं।'प्रचण्डले आफूहरु चुनावविरोधी नभएको र हुन नसक्ने बताए। 'अहिलेको प्राथमिकता चुनाव होइन, डिरेल भएको संविधान र लोकतान्त्रिक प्रक्रिया सच्याउने हो', उनले भने।अहिले निर्वाचनमा गएर भाँचिएको संविधान ट्रयाकमा नआउने उनको भनाइ छ। 'चुनाव मुख्य कुरा होइन, संविधान र लोकतान्त्रिक प्रणाली मुख्य कुरा हो', उनले भने।