नेपाल कम्युनिस्ट पार्टी (नेकपा) का सुदूरपश्चिम प्रदेश कमिटिका सह-इन्चार्ज खगराज भट्टले प्रधानमन्त्री केपी ओलीलाई कुहिएको मोहीसँग तुलना गरेका छन् ।ओलीले माओवादी जनयुद्धलाई कुहिएको फर्सी भनेको भन्दै नेता भट्टले कुहिएको मोहीसँग तुलना गरेका हुन् । उनले भने, “हामी कुहिएको फर्सी भए तपाईं कुहिएको मोही हो । मोही गन्हाए कस्तो दुर्गन्ध आउँछ ।”नेपाल कम्युनिस्ट पार्टी (नेकपा) कञ्‍चनपुरको बैठकमा नेता भट्टले यस्तो बताएका हुन् । उनले ओलीको कदमले मुलुक संकटमा परेको भन्दै रावणको लंका दहन गर्ने बेला भएको बताए । लोकतन्त्र संकटमा परेको र त्यसका लागि सबै जाग्नुपर्ने बेला भएको उनले बताए । उनी प्रचण्ड-नेपाल समूहका नेता हुन् ।