ओली कमजोर भएपछि पशुपति धाउन थालेः रघुजी पन्त

नेकपा प्रचण्ड–माधव पक्षका स्थायी समिति सदस्य रघुजी पन्तले प्रधानमन्त्री केपी शर्मा ओलीले जनतालाई हरेक कुरामा ढाँट्ने गरेको आरोप लगाएका छन् ।बुधबार काठमाडौमा आयोजित विरोध सभालाई सम्बोधन गर्दै नेता पन्तले ओली आलोचना गर्दा केपी क्वाँक्वाँ रोएको समेत बताए ।ओलीलाई प्रश्न गर्दै उनले भने, ‘अस्ति नारायणहिटी गेटमा उभिएर मैले जति विकास कसैले गरेको छैन भन्नुभयो । काम गर्न खोज्दा प्रचण्ड र माधव नेपालले हात खुट्टा बाँधेर काम गर्न दिएनन् भन्ने कुरा पनि गर्नुभयो । कुन साँचो हो ?’ काम पनि धेरै गरेँ भन्ने गर्न दिएनन पनि भन्ने ? भन्दै उनले ओली कमजोर भएपछि पशुपति धाउन थालेको भन्दै पशुपतिले राजा वीरेन्द्रको परिवार समेत नजोगाएको स्मरण गराए । उनले ओलीलाई पशुपतिले नभइ जनताले मात्रै जोगाउन सक्ने बताए ।नेता पन्तले नयाँ र क्रान्तिकारी पार्टी बनाउन सवैले खरो उत्रनुको विकल्प नभएको समेत बताए ।