जिल्ला ट्राफिक कार्यालय मुगुले चालू आर्थिक वर्षको ७ महिनामा ४६ हजार रुपियाँ राजस्व संकलन गरेको छ । चालू आवको माघ मसान्तसम्म ट्राफिक नियम उल्लंघन गरी सवारीसाधनलाई कारबाही गरी उक्त रकम संकलन गरिएको हो ।क्षमताभन्दा धेरै यात्रु राख्ने, जाथाभावी ओभरट्याक गर्ने, सवारीसाधनको बिलबुक तथा अन्य कागजात साथमा नराखने, मदिरा सेवन गरी सवारी सञ्चालन गर्नेलगायत ट्राफिक नियम उल्लंघन गर्ने अहिलेसम्म ६१ वटा सवारीलाई कारबाही गरिएको जिल्ला ट्राफिक कार्यालयका नायव निरीक्षक ज्ञानेन्द्र शर्माले जानकारी दिनुभयो ।यस अवधिमा २० ट्याक्टर, १० मोटरसाइकल, १० जिप, १५ ट्रक र १० बस चालकलाई कारबाही गरिएको उहाँ बताउनुहुन्छ ।वर्षेनि मुगुमा १० प्रतिशतका दरले सवारीसाधनको चाप बढिरहेको शर्मा बताउनुहुन्छ ।